1 Korinthianys 4:6 - An Bibel Kernewek 20234 (Kernewek Kemmyn)

⁶ My re gewsis an taklow ma, breder, a-dro dhymmo vy hag a-dro dhe Apollos rag agas les, dredhon may tyskowgh styr an lavar ‘Travyth dres an pyth yw skrifys’, ma na vowgh hwi omhwythys a-barth an eyl erbynn y gila.

1 Korinthianys 4:6 ပူးပေါင်းရင်းမြစ်များ

Salmow 146:3

Na drestyewgh yn pennsevigyon, nag yn mab-den, ma nag eus selwyans ynno.

Salmow 8:4

pyth yw den may perthydh kov anodho, ha mab-den may hwredh vri orto?

Ysay 2:22

Na wra mellya gans den may ma y anall yn y dhewfrik: rag pandr'a amont ev?

Oberow 18:24

Hag y teuth dhe Efesus unn Yedhow henwys Apollos, genesik a Aleksandria, gour freth ha skentel y'n skryptors.

Oberow 19:1

Lemmyn dell hwarva, hag Apollos yn Korinth, Powl a dremenas der an ranndiryow ughella ha dos dhe Efesus, may kavas dyskyblon,

Romanyon 12:3

Rag y lavarav der an ras res dhymm dhe beub usi yn agas mysk na'n jeffo tybyansow ughel dres an pyth y tegoedh y dybi, mes may typpo gans brys sevur, herwydh an myns a fydh a rannas Duw dhodho.

1 Korinthianys 1:12

An pyth a vynnav dhe styrya yw hemma: pub huni ahanowgh a lever ‘Dhe Powl yth ov evy’, po ‘Dhe Apollos yth ov evy’, po ‘Dhe Kefas yth ov evy’, po ‘Dhe Grist yth ov evy.’

1 Korinthianys 1:19

Rag skrifys yw, ‘My a wra distrui skentoleth an dus skentel, ha skians an dus fur my a wra y lettya.’

1 Korinthianys 1:31

Rakhenna, dell yw skrifys, ‘Neb a vostyo, bostyes y'n Arloedh.’

1 Korinthianys 13:4

Pell ow perthi yma kerensa; kuv yw kerensa, ny berth avi; kerensa ny vost, nyns yw goethus,

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

1 Korinthianys 3:21

Ytho, nagonan na vostyes a-dro dhe dus. Pup-tra yw dhywgh hwi:

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

1 Korinthianys 5:6

Agas bostyans nyns yw da. A ny wodhowgh hwi y hwra tamm goell dhe oll a'n toes sevel?

1 Korinthianys 8:1

Lemmyn a-dro dhe offrynnow dhe idolys, dell wodhon, ‘ni oll a'gan beus godhvos.’ Godhvos a dheg hwythfians, mes kerensa a dhrehav.

1 Korinthianys 9:23

My a wra pup-tra a-barth an aweyl may kevrenniv y vennathow.

2 Korinthianys 10:12

Rag ny vedhyn klassa po keheveli agan honan dhe rann a'n re neb a omgommend aga honan, mes pan vusurons aga honan an eyl orth y gila, ha keheveli aga honan an eyl dh'y gila, ny gonvedhons.

2 Korinthianys 10:15

heb bostya dres musur yn lavur re erell, mes govenek a'gan beus, dell wra agas fydh tevi, agan gwrians dhe gressya yn feur, herwydh an rewl res dhyn,

2 Korinthianys 10:7

Hwi a vir orth traow herwydh aga semlans. Mar trest nebonan y vos dhe Grist, perthes kov a hemma: kepar dell yw ev dhe Grist, yndella ynwedh yth on ni.

2 Korinthianys 11:4

Rag yn tevri mar teu nebonan dhe bregoth Yesu arall neb na bregewthsyn ni, po mar tegemmerowgh ken spyrys ages an spyrys a dhegemmersowgh, po ken aweyl ages an aweyl a ressevsowgh, fest yn ta y'n godhevowgh.

2 Korinthianys 12:19

Seulabrys y tybowgh ni dhe omaskusya dhywgh. A-rag Duw ni a gews yn Krist; mes pup-tra, karadowyon, yw a-barth agas drehevyans.

2 Korinthianys 12:20

Own a'm beus a gavoes, pan dhov, nag owgh hwi par dell vynnav vy, hag ow bos vy kevys genowgh par dell na vynnowgh hwi. Own a'm beus a strivyans, avi, sorr, kedrynnansow, sklanderyow, drokhwystrennow, goeth, derays;

2 Korinthianys 12:6

Mes mar mynnav bostya, ny vydhav foll, rag kewsel an gwiryonedh a wrav; mes my a omwith, ma na dyppo denvyth gwell ahanav ages an pyth a wel ev ynnov po klewes ahanav,

2 Korinthianys 4:15

Rag pup-tra yw a-barth dhywgh hwi, may hwrello an gras, res yn hel dhe voy ha dhe voy a dus, gul grasyans dhe balshe, dhe wormola Duw.

Kolossianys 2:18

Na wres denvyth kemmeres dhiworthowgh agas gober, ow kovynn uvelder ha gordhyans eledh, ow teskrifa an manylyon a daklow na welas, omhwythys yn euver dre vrys y gig,

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

2 Timothi 2:10

Rakhenna, pup-tra a borthav rag an re yw dewisys, may kaffons i ynwedh an selwyans usi yn Krist Yesu, gans splannder heb worfenn.