1 Korinthianys 4:5 - An Bibel Kernewek 20234 (Kernewek Kemmyn)

⁵ Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

1 Korinthianys 4:5 ပူးပေါင်းရင်းမြစ်များ

Job 12:22

Ev a dhiskudh an downderyow yn-mes a dewlder, ha dri tewlder down dhe wolow.

Lavarow Koth 12:8

Gour yw kommendys herwydh y dhoethter, mes den a vrys treus yw dispresys.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ekklesiastes 12:14

Rag Duw a dhre pub gwrians dhe vreus, hwath pup-tra yw kelys, po da po drog.

Yeremia 16:17

Rag yma ow dewlagas war oll aga fordhow: nyns yns kudhys a'm golok, na nyns yw aga hammhynseth kudhys a'm dewlagas.

Yeremia 23:25

My re glewas an pyth a lever an brofoesi usi ow profoesa gowyow y'm hanow, ow leverel, ‘My re hunrosas, my re hunrosas!’

Hosea 8:13

I a sakrifi rohow dhymmo vy, i a dheber an kig; mes an Arloedh ny gemmer plesour ynna. Lemmyn ev a berth kov a'ga sherewneth, ha kessydhya aga feghosow: dhe Ejyp y tehwelons.

Malaki 3:18

Hag arta hwi a wra dissernya ynter an den gwiryon ha'n tebelwas, ynter an den a serv Duw ha neb na'n serv.

Matthew 10:26

‘Rakhenna na berthewgh own anedha; rag nyns eus travyth kudhys na vo diskudhys, po kelys na vo aswonnys.

Matthew 24:30

Hag ena yth omdhiskwa tokyn Mab an den yn nev, hag ena pub loeth a'n bys a wra kyni, hag i a wel “Mab an den ow tos war gommol an nev” gans galloes ha golewder meur;

Matthew 24:46

Gwynn y vys an kethwas na, a wra y arloedh y gavoes ow kul yndella pan dheffo.

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:23

Yn-medh y vester dhodho, “Yn ta y hwruss'ta, ty gethwas da ha lel, ty re beu lel war nebes, my a re dhis charj a lies tra. Ke dhejy a-bervedh yn lowena dha vester.”

Luk 6:37

‘Na vreusewgh, ha ny vydhowgh breusys; na dhampnyewgh, ha ny vydhowgh dampnys; gevewgh hag y fydh gevys dhywgh.

Yowann 21:22

Yn-medh Yesu dhodho, ‘Mar mynnav ev dhe wortos bys pan dhov, pyth yw henna dhis? Ty gwra ow siwya.’

Yowann 21:23

Ytho an lavar ma a lesas yn mysk an vreder, na vedha an dyskybel na ow merwel. Mes ny leveris Yesu dhodho na vedha ow merwel, mes ‘Mar mynnav ev dhe wortos bys pan dhov, pyth yw henna dhis?’

Yowann 5:44

Fatell yllowgh hwi krysi, neb a dhegemmer enor an eyl dhiworth y gila, mes ny hwilowgh an enor na dheu marnas a Dhuw?

Romanyon 14:4

Piw os jy hag a vreus servont den arall? A-rag y vester y honan y sev po y koedh. Ha skoedhys vydh, rag Duw a yll gul dhodho sevel.

Romanyon 2:1

Ytho ny'th eus askus, A dhen, piwpynag a vi, ow preusi den arall; rag pan vreusydh den arall y preusydh er dha bynn dha honan rag ty, an breusyas, a wra an keth taklow dha honan.

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

Romanyon 2:29

Mes ev yw gwir Yedhow neb yw onan war-ji, ha trodreghyans yw a'n golonn, yn spyrys heb bos yn lytherenn, ma nag yw y wormola dhiworth tus mes dhiworth Duw.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

1 Korinthianys 1:7

ma na fyllowgh hwi a ro spyrysel vyth, ha hwi ow kwaytya gans mall diskwedhyans agan Arloedh Yesu Krist.

1 Korinthianys 11:16

Mars yw bodh nebonan dhe vos kavyllek, nyns eus usadow a'n par na dhyn ni na dhe eglosyow Duw.

1 Korinthianys 11:26

Rag peskweyth may typprowgh an bara ma hag eva an hanaf, mernans an Arloedh a dherivowgh erna dheffo.

1 Korinthianys 15:23

Mes peub yn y dorn y honan: Krist an kynsa frut: wosa henna, orth y dhevones, an re yw dhe Grist.

1 Korinthianys 3:13

ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

1 Korinthianys 3:14

Mar tur an ober a veu drehevys gans nebonan, ev a dhegemmer y bewas.

1 Korinthianys 3:8

Neb a blans ha neb a dhowr yw parow, ha kettep onan a wra degemmeres y wober herwydh y wonis y honan.

2 Korinthianys 10:18

rag nyns yw ev neb a omgommend y honan neb yw degemmerys, mes ev neb yw kommendys gans an Arloedh.

2 Korinthianys 10:9

Ny vynnav heveli bos ow hwilas agas ownekhe der ow lytherow.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Korinthianys 5:10

Rag y telledh ni oll dhe omdhiskwedhes a-rag barr Krist, may tegemmerro kettep penn an pyth a goedh dhodho herwydh an traow gwrys, hag ev y'n korf, po da po drog.

1 Thessalonianys 5:2

rag hwi agas honan a woer yn kewar dydh an Arloedh dhe vos kepar ha lader yn nos.

Ebrowyon 4:13

Hag a-ragdho ev, nyns yw kudhys kreatur vyth, mes oll yw noeth hag igor dh'y dhewlagas ev, may tal dhyn gul akont dhodho.

Jamys 4:11

Na wrewgh kewsel an eyl erbynn y gila, a vreder. Neb a gews erbynn broder po a vreus y vroder a gews erbynn an lagha hag a vreus an lagha; ha mar preusewgh an lagha, nyns osta gwrier an lagha mes breusydh.

Jamys 5:7

Ytho, perthewgh, a vreder bys yn devedhyans an Arloedh. Otta, an tiek a worta frut drudh an dor, meur y berthyans yn y gever, erna dhegemmerro an glaw a-varr ha'n glaw diwedhes.

Jamys 5:9

Na wrewgh krodhvolas, a vreder, an eyl war y gila, ma na vewgh breusys. Otta, an breusydh a sev a-dherag an darasow.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

1 Peder 5:4

ha pan omdhiskwa an penn-bugel, hwi a wra degemmeres an gurun a splannder na wedher.

2 Peder 3:12

ow kortos ha spedya devedhyans dydh Duw, dredho may fydh nevow diswrys gans tan, ha'n elvennow ow leski a wra teudhi?

2 Peder 3:4

hag ow leverel, ‘Ple'ma ambos y dhevedhyans? Rag a-dhiworth an jydh may koedhas yn kosk an tasow, pup-tra a bys yndella dhiworth dalleth kreasyon.’

Lyther Yud 1:14

A-dro dhe'n re ma y'n seythves henedh a Adam y profoesas Enok pan leveris, ‘Otta, an Arloedh a dheuth gans y dheg-vilyow a syns,

Diskwedhyans 1:7

Awotta, ev a dheu gans an kommol; ha pub lagas a wra y weles, ha'n re ynwedh a'n gwanas; hag oll kenedhlow an norvys a wra kyni warnodho. Ya, Amen.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.