1 Korinthianys 4:17 - An Bibel Kernewek 20234 (Kernewek Kemmyn)

¹⁷ Hemm yw an pur skila my dhe dhannvon dhywgh Timothi, neb yw ow flogh meurgerys ha lel y'n Arloedh, ha neb a wra dri dh'agas kov ow fordhow yn Krist Yesu, kepar dell dhyskav yn pub tyller, yn pub eglos.

1 Korinthianys 4:17 ပူးပေါင်းရင်းမြစ်များ

Lavarow Koth 13:17

Kannas dhrog a wra dhe dus koedha yn trobel, mes kannas lel a dheg yaghheans.

Niverow 12:7

Nansi gans ow gwas Moyses; ev yw len yn oll ow chi.

Matthew 24:45

‘Piw ytho yw an kethwas lel ha fur may ros an mester dhodho charj a'y deylu rag ri dhedha aga boes yn prys ewn?

Matthew 25:21

Yn-medh y vester dhodho, “Yn ta re wruss'ta, ty gethwas da ha lel, war nebes ty re beu lel, my a re dhis charj a lies tra. Ke dhejy a-bervedh yn lowena dha vester.”

Matthew 25:23

Yn-medh y vester dhodho, “Yn ta y hwruss'ta, ty gethwas da ha lel, ty re beu lel war nebes, my a re dhis charj a lies tra. Ke dhejy a-bervedh yn lowena dha vester.”

Oberow 16:1

Hag ynwedh ev a dheuth yn-nans dhe Derbe ha dhe Lystra. Hag otta, yth esa ena unn dyskybel henwys Timothi, mab Yedhowes kryjyk mes y das o Grek.

1 Korinthianys 11:16

Mars yw bodh nebonan dhe vos kavyllek, nyns eus usadow a'n par na dhyn ni na dhe eglosyow Duw.

1 Korinthianys 11:2

My a'gas kommend drefenn hwi dhe berthi kov ahanav yn pup-tra, ha dhe synsi yn fast an hengovyow par dell y's res dhywgh.

1 Korinthianys 11:34

Mars eus nown dhe nebonan, dybres yn chi, ma na omguntellowgh dhe vreus. A-dro dhe'n traow erell, my a's orden pan dhov.

1 Korinthianys 14:33

Rag Duw nyns yw Duw a dheray mes a gres. Kepar hag yn oll eglosyow an syns,

1 Korinthianys 16:1

Lemmyn a-dro dhe guntell an rohow rag an syns: par dell erghis vy dhe'n eglosyow a Galatia, yndella gwrewgh hwi ynwedh.

1 Korinthianys 16:10

Mar teu Timothi, gwaytyewgh ma'n gwryllowgh bos heb own yntredhowgh, rag ow kul gonis an Arloedh ymava, kepar ha my.

1 Korinthianys 4:14

Ny skrifav dhywgh an traow ma rag gul dhywgh bos methek, mes rag agas keski avel ow fleghes veurgerys.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

1 Korinthianys 4:2

Dres henna, hwilys yw yn rennysi, aga bos prevys lel.

1 Korinthianys 7:17

Byttegyns, kerdhes pubonan kepar dell ordenas dhodho an Arloedh, par dell elwis Duw pubonan. Hemma my a worhemmynn y'n eglosyow oll.

1 Korinthianys 7:25

Lemmyn a-dro dhe wyrghesow, nyns eus dhymm gorhemmynn a'n Arloedh, mes ow brys a rov avel onan neb yw lel, dre dregeredh an Arloedh.

2 Korinthianys 8:18

Ha ni a dhannvonas ganso an broder neb yw gormelys yn mysk an eglosyow oll a'y wonis y'n aweyl,

Efesianys 6:21

Lemmyn, may hwodhvowgh hwi ynwedh fatell yw genev, ha pandr'a wrav, pup-tra a wra derivas orthowgh Tyghikus, an broder karadow ha menyster len y'n Arloedh,

Filippianys 2:19

Mes my a wayt y'n Arloedh Yesu dannvon Timothi dhywgh hwi kyns nep-pell, may fiv vy konfortys, my ynwedh, ow kodhvos nowodhow ahanowgh.

Filippianys 2:22

Mes y gnas ev hwi a's aswonn; ev dhe wonis genev y'n aweyl kepar ha mab gans tas.

Kolossianys 1:7

kepar dell dhys'sowgh gans Epafras agan keswas karadow, yw menyster lel a Grist ragowgh hwi,

Kolossianys 4:9

gans Onesimus an broder lel ha karadow yw onan ahanowgh. I a wra derivas dhywgh a bup-tra omma.

1 Timothi 1:18

An arghadow ma a rov dhis, Timothi ow flogh, war-lergh an geryow a brofoesans kewsys kyns a-dro dhis, may hwrylli omladh dredha an omladh da,

1 Timothi 1:2

Dhe Timothi, ow gwir flogh y'n fydh: Gras, tregeredh ha kres dhiworth Duw an Tas ha Krist Yesu agan Arloedh.

2 Timothi 1:2

Dhe Timothi flogh karadow: Gras, tregeredh, kres dhiworth Duw an Tas ha Krist Yesu agan Arloedh.

2 Timothi 2:2

ha'n taklow a glewsys dhiworthiv dre lies test, gwra aga gorra yn charj dhe dus lel a vydh gwiw dhe dhyski tus erell ynwedh.

2 Timothi 3:10

Mes ty re siwyas yn tiwysyk ow dyskas, ow fara, ow thowl, ow fydh, ow hirwodhevyans, ow herensa, ow ferthyans,

Titus 1:5

Rakhenna my a'th hasas yn Kreta mayth ordennes an taklow erell hag apoyntya henavogyon yn pub tre, dell erghis vy dhis,

Diskwedhyans 2:10

Na borth own a nagonan a'n taklow na a wredh godhav. Otta, an jowl a wra tewlel re ahanowgh yn prison may fewgh prevys, ha galar a'gas bydh deg dydh. Bydh len bys yn ankow, ha kurun bewnans dhiso a rov.

Diskwedhyans 2:13

‘My a aswonn le mayth esos trigys, le mayth usi tron Satnas, ha ty a syns ow hanow yn fast ha ny wrussys nagha ow fydh hwath y'n dydhyow na may feu ledhys Antipas ow merther len yn agas mysk, le may trig Satnas.