1 Korinthianys 4:14 - An Bibel Kernewek 20234 (Kernewek Kemmyn)

¹⁴ Ny skrifav dhywgh an traow ma rag gul dhywgh bos methek, mes rag agas keski avel ow fleghes veurgerys.

1 Korinthianys 4:14 ပူးပေါင်းရင်းမြစ်များ

Ezekiel 3:21

Mes mar kwarnydh den gwiryon rag na beggho, ha ny begh, y few yn tevri, rag ev dhe vos gwarnyes, ha ty a dhelirv dha enev.

Oberow 20:31

Rakhenna bedhewgh war, ow perthi kov na astelas vy keski pub huni dres teyr blydhen nos ha dydh, gans dagrow.

1 Korinthianys 15:34

Dewgh dhe skians sad hag ewn, ha na beghewgh namoy. Rag tus yma, na aswonnons Duw; hemma my a lever dh'agas meth.

1 Korinthianys 4:15

Rag kyn fo dhywgh deg mil a dhyskadoryon yn Krist, nyns eus dhywgh nameur a dasow; yn tevri my a dheuth ha bos agas tas yn Krist der an aweyl.

1 Korinthianys 4:17

Hemm yw an pur skila my dhe dhannvon dhywgh Timothi, neb yw ow flogh meurgerys ha lel y'n Arloedh, ha neb a wra dri dh'agas kov ow fordhow yn Krist Yesu, kepar dell dhyskav yn pub tyller, yn pub eglos.

1 Korinthianys 6:5

Hemma a lavarav rag gorra meth ynnowgh! A nyns eus yn agas mysk unn den skentel lowr neb a yll breusi ynter an vreder?

1 Korinthianys 9:15

Mes ny wrug vy devnydh a dravyth a'n gwiryow ma, na ny skrifis vy rag gwaynya traow a'n par na. Merwel a vynnsen kyns es dell gemmerro nebonan dhiworthiv ow skila dhe vostya!

2 Korinthianys 11:11

Praga? Drefenn na'gas karav? Gwrav, dell woer Duw.

2 Korinthianys 12:19

Seulabrys y tybowgh ni dhe omaskusya dhywgh. A-rag Duw ni a gews yn Krist; mes pup-tra, karadowyon, yw a-barth agas drehevyans.

2 Korinthianys 7:3

Ny lavarav hemma rag agas dampnya; seulabrys my re leveris agas bos yn agan kolonnow, dhe verwel war-barth ha dhe vewa war-barth.

Kolossianys 1:28

Ni a'n deriv, ow keski pub den ha dyski pub den yn pub furneth, may kwrellyn profya pub den perfydh yn Krist.

1 Thessalonianys 2:11

Hwi a woer fatell wrussyn ni agas dyghtya, pubonan ahanowgh, kepar dell wra tas y fleghes ev,

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

2 Thessalonianys 3:14

Ha mars eus den na vo gostydh dh'agan ger der an lyther, merkyewgh an den ma, na wrewgh kowethya ganso may fo meth gorrys ynno.

Filemon 1:10

ha my a'th pys rag ow mab, neb a dhineythis y'm kolmow, Onesimus,

1 Yowann 2:1

Ow fleghigyow, an re ma a skrifav dhywgh, rag na begghowgh. Ha mar pegh denvyth, yma dhyn pledyas gans an Tas, Yesu Krist, an gwiryon.

3 Yowann 1:4

Ny allav kavoes lowender brassa es hemma, my dhe wodhvos y kerdh ow fleghes y'n gwirder.