1 Korinthianys 4:10 - An Bibel Kernewek 20234 (Kernewek Kemmyn)

¹⁰ Fellyon rag Krist yth on ni, mes skentel yn Krist yth owgh hwi; gwann yth on ni, mes krev yth owgh hwi; yn enor yth owgh hwi synsys, mes disenorys yth on ni.

1 Korinthianys 4:10 ပူးပေါင်းရင်းမြစ်များ

2 Myghternedh 9:11

Ena Yehu a dhehwelis dhe wesyon y arloedh, hag onan a leveris dhodho, ‘Yw pup-tra da? Prag y teuth an muskok ma dhis?’ Ev a worthybis dhedha, ‘Hwi a aswonn an gour ha'y gows.’

Lavarow Koth 11:12

Neb a dhispres y gentrevek a fyll a skians, mes gour a gonvedhes a bes tawesek.

Ysay 53:3

Dispresys o ha skonys gans tus, gour a dhuwon hag a aswonni galar, hag avel onan may hwra tus kudha aga fas dhiworto; dispresys o, ha ny wrussyn vri anodho.

Hosea 9:7

Dydhyow an kessydhyans re dheuth, dydhyow an dial re dheuth. Ysrael a'n godhvydh. An profoes yw boba, an gour spyrysel yw muskok, drefenn dha lies kammhynseth, ha'n kas meur.

Matthew 24:9

‘Ena i a'gas daskorr dhe dorment ha'gas ladha ha hwi a vydh kesys gans oll an kenedhlow, a-barth ow hanow vy.

Matthew 5:11

‘Gwynn agas bys pan y'gas despityons ha'gas helghya ha leverel pub eghenn a dhrog gans gow er agas pynn a-barth dhymmo vy.

Luk 10:16

‘Neb a'gas klew a'm klew vy, ha neb a'gas skon a'm skon vy; ha neb a'm skon vy a'n skon ev neb a'm dannvonas vy.’

Luk 18:9

Hag ev a gewsis an barabolenn ma dhe dus neb a drestya ynna i aga honan, i dhe vos gwiryon, ha dispresya tus erell:

Luk 6:22

‘Gwynn agas bys pan wra tus agas kasa, ha pan wrons agas keas mes ha despitya ha tewlel agas hanow yn-mes avel drogoberoryon, a-barth Mab an den;

Oberow 17:18

Mes re a'n filosoforyon Epikurek ha Stoik a geskewsi ganso, ha re a leveris, ‘Pandr'a vynn an klappyer diskians ma dhe leverel?’ Hag yn-medh re erell, ‘Dell hevel, pregowther a dhywolow astranj yw ev’; rag ev dhe bregoth Yesu ha'n dasserghyans.

Oberow 17:32

Pan glewsons a dhasserghyans an re varow, re a skornyas, mes re erell a leveris, ‘Ni a vynn goslowes orthis arta a-dro dhe hemma.’

Oberow 26:24

Hag ev ow kul y dhefens y'n for' ma, Festus a leveris, ughel y lev, ‘Mes a'th rewl osta, Powl; yma meur a lyenn orth dha dreylya gorboellek.’

Oberow 9:16

rag my a wra diskwedhes dhodho pygemmys y telledh ev dhe wodhav a-barth ow hanow.’

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 1:25

Rag follneth Duw yw moy skentel ages skentoleth mab-den, ha gwannder Duw yw kreffa ages krevder mab-den.

1 Korinthianys 10:12

Rakhenna, neb eus ow tybi y sev ev, kemmeres with ma na goettho.

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Korinthianys 2:3

Hag yth esen vy genowgh yn gwannder hag yn own ha meur a grena;

1 Korinthianys 3:18

Na omdoelles denvyth; nebonan ahanowgh mar tesev y vos skentel y'n oes ma, des ha bos foll, may teffo ha bos skentel.

1 Korinthianys 3:2

Leth my a ros dhywgh; ny res vy boes, rag nag ewgh hwi parys ragdho. Yn hwir, hwath nyns owgh parys,

1 Korinthianys 4:8

Y'n eur ma lenwys owgh hwi! Y'n eur ma deuvewgh ha bos rych! A-der ni, hwi re dheuth ha bos myghternedh! Hag unnweyth a pewgh hwi myghternedh yn hwir, may kesreynnyen ni genowgh!

2 Korinthianys 10:10

Y leverir gans nebonan, ‘Yn tevri, poesek ha krev yw y lytherow, mes yn agan mysk gwann yw y gorf, ha'y gows y hyllir y dhispresya.’

2 Korinthianys 11:19

Rag yn lowen, ow pos fur, hwi a wodhav fellyon;

2 Korinthianys 11:29

Piw yw gwann, ha nyns ov evy gwann? Piw yw gwrys dhe drebuchya, ha ny dhewav vy?

2 Korinthianys 13:9

Rag ni a lowenha pan on ni gwann, ha hwi krev; keffrys ni a bys hemma: agas keweras.

2 Korinthianys 4:12

Ytho, ankow a ober ynnon ni, mes bewnans a ober ynnowgh hwi.

2 Korinthianys 6:8

dre wolewder ha disenor, dre gabel ha ger-da; akontys bos avel toelloryon, mes tus wiryon,

1 Thessalonianys 4:8

Rakhenna, neb a skon, ny wra skonya mab-den mes Duw a re y Spyrys Sans dhywgh ynwedh.

1 Peder 4:14

Mars owgh hwi despitys yn hanow Krist, gwynn agas bys rag an Spyrys a splannder hag a Dhuw a wra powes warnowgh.