1 Korinthianys 3:13 - An Bibel Kernewek 20234 (Kernewek Kemmyn)

¹³ ober kettep penn a wra dos ha bos apert, rag an jydh a wra y dhiskwedhes, rag y fydh diskwedhys gans tan, ha'n tan a wra previ py par ober re beu gwrys gans kettep penn.

1 Korinthianys 3:13 ပူးပေါင်းရင်းမြစ်များ

Ysay 28:17

My a wra dhe wirvreus bos kordenn-vusura, ha dhe ewnder bos plemmik; keser a skub dhe-ves an skovva a wowyow, ha dowrow a liv dres an gudhva.

Ysay 8:20

rag dyskans ha dustuni?’ Yn sur mar leverons yndella, henn yw rag ny's teves golow banna.

Yeremia 23:28

An profoes neb a'n jeves hunros, gas dhodho derivas an hunros, ha neb a'n jeves ow ger, gas ev dhe gewsel ow ger yn lel. Pyth yw an kulyn dhe'n gwaneth? yn-medh an Arloedh.

Yeremia 23:29

A nyns yw ow ger avel tan? yn-medh an Arloedh, hag avel morthol a derr karrek dhe demmyn?

Zekaria 13:9

My a dhre an tressa rann dre'n tan, ha'ga furhe dell yw purhes an arghans, a'ga frevi dell yw prevys an owr. Ev a wra gelwel war ow hanow, ha my a worthyp dhodho; my a lever, ‘Ev yw ow fobel’, hag ev a lever, ‘An Arloedh yw ow Duw.’

Malaki 3:17

I a vydh dhymmo vy, yn-medh Arloedh an luyow, ow thresor arbennik y'n jydh may hwrav vy oberi. My a gemmer truedh anedha par dell gemmer den truedh a'y vab neb a'n serv.

Malaki 3:2

Mes piw a yll perthi dydh y dhevedhyans? Piw a yll sevel pan omdhiskwa? Rag ev a vydh avel tan an purheor, avel sebon an troghyer.

Matthew 10:15

Yn hwir y lavarav dhywgh, esya vydh hi dhe bow Sodom ha Gomorra dydh breus ages dhe'n sita na.

Matthew 16:27

Rag Mab an den a dal dos yn golewder y Das gans y eledh, hag ena attyli a wra ev dhe bubonan herwydh y ober.

Luk 2:35

– ha kledha a wan dha enev jy ynwedh – may fo diskwedhys prederow lies kolonn.’

Romanyon 2:16

y'n jydh may freus Duw, war-lergh ow aweyl, kevrinyow tus dre Yesu Krist.

Romanyon 2:5

Mes dre dha golonn gales hag anedrek yth esos ow kreuni konnar ragos dha honan y'n jydh a gonnar may fo diskwedhys ynno breus gwiryon Duw.

1 Korinthianys 1:8

Ynwedh ev a wra agas krevhe bys y'n diwedh, may fowgh hwi divlam yn dydh agan Arloedh Yesu Krist.

1 Korinthianys 3:12

Mar trehav nebonan, ytho, war an sel gans owr, arghans, meyn drudh, prenn, goera, kala,

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

2 Timothi 1:12

Rakhenna y hwodhavav an taklow ma; mes ny borthav meth, rag my a woer neb re grysis ynno ha sur ov vy ev dhe alloes gwitha an pyth re beu gorrys y'm charj, bys y'n jydh na.

2 Timothi 1:18

Re wrontyo an Arloedh dhodho may kaffo tregeredh dhiworth an Arloedh y'n jydh na. Ty a woer yn ta an gonis a wrug yn Efesus.

2 Timothi 3:9

Mes nyns ons i yn-rag na fella, rag aga follneth a vydh diblans orth pub den, kepar dell o follneth an dhew na.

2 Timothi 4:8

Alemma rag, ragov vy parys yw an gurun a ewnder a re an Arloedh, an breusydh ewn, dhymmo vy y'n jydh na, ha nyns yw ragov vy yn unnsel, mes rag pubonan re garas y omdhiskwedhyans.

Ebrowyon 10:25

heb forsakya agan kuntellyans agan honan, dell yw an usadow gans rann, mes kennertha an eyl y gila, ha seul voy dell welowgh an Jydh ow nesa.

1 Peder 1:7

rag may fo kevys prov agas fydh, moy y bris es owr a yll pedri kyn fo prevys gans tan, dhe wormola ha gordhyans hag enor orth diskwedhyans Yesu Krist,

1 Peder 4:12

Karadowyon, na vedhewgh sowdhenys a'n prevyans gans tan usi genowgh rag agas previ, kepar ha pan ve neppyth ankoth ow koedha warnowgh.

2 Peder 3:10

Mes dydh an Arloedh a dheu kepar ha lader, hag ynno an nevow a wra tremena gans tros ughel hwyflyn, ha'n elvennow ow leski a vydh teudhys, ha'n norvys ha'n gwriansow usi ynno a vydh diskudhys.

2 Peder 3:7

Mes an nevow ha'n nor a'n termyn ma re beu gwithys der an keth ger rag tan, synsys bys dydh breus, ha diswrians an re dhidhuw.

Diskwedhyans 20:12

Ha my a welas an re varow, bras ha byghan, ow sevel a-dherag an tron; ha rolyow-skrifa a veu igerys; ha ken rol a veu igerys, yw an lyver a vewnans: ha'n re varow a veu breusys der an pyth o skrifys y'n rolyow, war-lergh aga gwriansow.