1 Korinthianys 2:9 - An Bibel Kernewek 20234 (Kernewek Kemmyn)

⁹ Mes, dell yw skrifys, ‘An pyth na welas lagas bythkweth ha na glewas skovarn ha na dheuth yn kolonn mab-den, an pyth re beu darbarys gans Duw dhe'n re a'n kar’ –

1 Korinthianys 2:9 ပူးပေါင်းရင်းမြစ်များ

Salmow 31:19

Ass yw meur dha dhader, a dharbarydh dhe'n re a'th own, a wrussys rag an re a hwila skovva ynnos jy a-dherag mebyon den!

Ysay 64:4

A-henys tus ny glewas, na ny woslowas skovarn, na ny welas lagas duw marnas ty, neb a ober ragdho ev neb a'n gorta.

Ysay 65:17

Rag awottavy ow kreatya nevow nowydh ha nor nowydh; ny vydh kovhes an kynsa, nag entra y'n brys.

Matthew 20:23

Yn-medh ev dhedha, ‘Hwi a wra eva a'm hanaf, mes esedha a'm parth dhyghow ha'm parth kledh, nyns eus dhymmo y ri, mes yma dhe seul a vo darbarys dhedha gans ow Thas.’

Matthew 25:34

Ena y hwra an Myghtern leverel dhe'n re a'y barth dhyghow, “Dewgh, hwi vennigys gans ow Thas, eritewgh an wlaskor yw pareusys dhywgh dhiworth gwrians an bys.

Yowann 3:16

‘Rag kemmys y karas Duw an bys, may ros ev y unn Vab dineythys, rag nag ella dhe goll neb a grys ynno ev, mes may fe dhodho bewnans heb diwedh.

Romanyon 8:28

Ni a woer pup-tra dhe oberi war-barth rag dader rag an re a gar Duw, an re yw gelwys herwydh y borpos.

Ebrowyon 11:16

Mes lemmyn bro well a hwansons, henn yw, onan nevek. Ytho, Duw ny'n jeves meth bos gelwys aga Duw, rag ev re dharbaris dhedha sita.

Jamys 1:12

Gwynnvys an gour a bes yn-dann brevyans rag, wosa bos prevys, ev a dhegemmer an gurun a vewnans a ambosas Duw dhe'n re a'n kar.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

1 Peder 1:12

Diskwedhys veu dhedha nag esons i ow konis aga honan, mes yth esons orth agas gonis hwi y'n taklow re beu derivys dhywgh gans an re a bregowthas an nowodhow da dhywgh der an Spyrys Sans, dannvenys dhiworth nev, taklow ha hwans yma dhe eledh mires warnedha.

1 Yowann 4:19

Ni a gar drefenn ev dh'agan kara kynsa.