1 Korinthianys 2:15 - An Bibel Kernewek 20234 (Kernewek Kemmyn)

¹⁵ An den spyrysel a vreus pup-tra mes ev y honan nyns yw gorrys yn-dann vreus denvyth:

1 Korinthianys 2:15 ပူးပေါင်းရင်းမြစ်များ

2 Samuel 14:17

Lemmyn dha vaghteth a lever, “Re rollo ger ow arloedh an myghtern powesva dhymm, rag avel el Duw, yndella yw ow arloedh an myghtern ow tissernya yntra da ha drog. Re bo an Arloedh dha Dhuw genes.” ’

Salmow 25:14

Yma kevrin an Arloedh gans an re a berth own anodho, hag ev a dhiskwa dhedha y gevambos.

Lavarow Koth 28:5

Ny gonvedh gwer dhrog gwirvreus, mes an dus a hwila an Arloedh a gonvedh pup-tra oll.

Ekklesiastes 8:5

Piwpynag a wittho gorhemmynn, an keth henna ny wra perthi drog vyth, ha kolonn den fur a woer ha'n prys gwiw ha'n fara gwiw.

Yowann 7:17

Mar mynn nebonan gul y volonjedh, ev a woer a-dro dhe'n dyskas, pyneyl y vos a Dhuw, po my dhe gewsel a'm awtorita ow honan.

Oberow 16:3

Powl a vynnas orto mos yn-rag ganso, hag ev a'n kemmeras ha'y drodreghi drefenn an Yedhewon esa y'n tylleryow na; rag i oll a wodhva bos y das Grek.

1 Korinthianys 14:37

Mar tyb nebonan y vos profoes, po spyrysel, y koedh dhodho avowa bos an pyth a skrifav dhywgh arghadow an Arloedh.

1 Korinthianys 3:1

Ha my, breder, ny yllis vy kewsel orthowgh hwi kepar ha pan vewgh tus spyrysel, mes avel tus a'n kig, avel fleghesigow yn Krist.

1 Korinthianys 4:5

Na vreusewgh travyth, ytho, kyns an ewn-dermyn may teffo an Arloedh, neb a wra golowi traow kudhys y'n tewlder keffrys diskwedhes kusulyow an golonn; hag y'n eur na kettep onan a wra kavoes y wormola dhiworth Duw.

Galatianys 6:1

A vreder, mar pe nebonan kechys yn kammweythres, hwi, usi a'n Spyrys, restoryewgh den a'n par na yn spyrys a jentylys. Mir orthis dha honan, ma na vi temptys ynwedh.

Filippianys 1:10

rag dissernya an taklow yw an gwella, may fewgh lel ha divlam bys yn dydh Krist,

Kolossianys 1:9

Rakhenna ni ynwedh, dhiworth an jydh may klewsyn, ny hedhyn pysi ha govynn ragowgh, may fewgh lenwys a wodhvos a'y vodh yn pub furneth ha konvedhes spyrysel,

1 Thessalonianys 5:21

Prevewgh pup-tra, synsewgh an pyth yw da.

Ebrowyon 5:14

Mes boes kales yw rag an devesigyon, rag an re a's teves kowses dyskys der usadow dhe dhissernya yntra da ha dhrog.

1 Yowann 2:20

Mes hwi a'gas beus untyans gans an Sans, ha hwi a woer pup-tra.

1 Yowann 4:1

Hwi garadowyon, na grysewgh dhe bub spyrys, mes prevewgh an spyrysyon, mars esons i a Dhuw: rag gallas fals profoesi bals yn-mes dhe'n bys.