1 Korinthianys 16:2 - An Bibel Kernewek 20234 (Kernewek Kemmyn)

² Dhe gynsa dydh pub seythun, pub huni ahanowgh gorres neppyth a-denewen ha'y witha, dell sewenno, ma na vo edhomm a guntell pan dhyffiv.

1 Korinthianys 16:2 ပူးပေါင်းရင်းမြစ်များ

Jenesis 26:12

Hag Ysak a hasas has y'n pow na ha kavoes kansplek y'n vlydhen na, ha'n Arloedh a'n bennigas.

Jenesis 30:27

Yn-medh Laban dhodho, ‘Mar kwrug vy kavoes gras y'th wolok, my re dhyskas dre dhewinieth an Arloedh dhe'm benniga a'th wovis.’

Jenesis 30:30

rag yth esa boghes genes kyns my dhe dhos, mes ynkressys yw yn feur, ha'n Arloedh re wrug dha venniga plepynag y feuv. Mes lemmyn, p'eur hwrav vy provia rag ow chi ow honan ynwedh?’

Jenesis 32:10

nyns ov wordhi a'n tregeredhow oll ha'n lelder oll re wruss'ta gans dha was; rag gans ow lorgh my a dremenas dres an Yordan ma, ha lemmyn yth ov devedhys ha bos dew gamp.

Jenesis 33:11

Kemmer, my a'th pys, ow bennath yw dres dhiso, rag Duw re beu grassyes dhymm, hag yma dhymm pup-tra.’ Ev a ynnias warnodho, hag ev a'n kemmeras.

2 Kroniklys 31:10

Azaria an arghoferyas, o a ji Sadok, a worthybis dhodho, ‘A-ban dhallathsons dri rohow yn chi an Arloedh, ni re'gan bo lowr dhe dhybri ha'n remenant yw lowr, rag an Arloedh re vennigas y bobel, ha'n kals bras ma yw an remenant.’

Mark 14:8

Hi re wrug kemmys a ylli; hi re dheuth kyns an termyn rag untya ow horf rag ynkleudhyans.

Luk 16:10

‘Neb yw lel yn tra pur vyghan yw lel ynwedh yn tra veur, ha neb yw dislel yn tra pur vyghan yw dislel ynwedh yn tra veur.

Luk 24:1

Yn kynsa dydh an seythun, pan dardhas an bora, i a dheuth dhe'n bedh, ow toen an spisys a bareussens.

Yowann 20:19

Ena yn gorthugher an keth jydh ma, an kynsa dydh a'n seythun, ha'n darasow deges le mayth esa an dhyskyblon rag own a'n Yedhewon, Yesu a dheuth ha sevel yn aga mysk, ha leverel dhedha, ‘Kres dhywgh.’

Yowann 20:26

Ha dhe benn eth dydh, yth esa y dhyskyblon a-bervedh arta, ha Tommas gansa. Yesu a dheuth, ha'n darasow deges, ha sevel y'n kres ha leverel, ‘Kres dhywgh.’

Oberow 20:7

Y'n kynsa dydh a'n seythun, pan omguntellsyn rag terri bara, yth esa Powl ow kewsel orta; drefenn y vos ervirys mos dhe-ves ternos, ev a besyas kewsel bys yn hanter-nos.

2 Korinthianys 8:10

Hag y'n mater ma kusul a rov vy: rag y telledh hemma dhywgh, neb a dhallathas y wul mes ynwedh mynnes y wul, nans yw blydhen;

Dewteronomi 8:18

Mes porth kov a'n Arloedh dha Dhuw, rag yth yw ev neb a re dhis nerth dhe wul golusogneth, rag may fastyo y gevambos a dos dhe'th tasow, kepar hag y'n jydh hedhyw.

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,