1 Korinthianys 16:16 - An Bibel Kernewek 20234 (Kernewek Kemmyn)

¹⁶ my a'gas ynni may fowgh gostydh dhe dus a'n par na, ha dhe bub kesoberer ha lavuryer.

1 Korinthianys 16:16 ပူးပေါင်းရင်းမြစ်များ

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

1 Thessalonianys 5:12

Lemmyn, ni a'gas pys a vreder, a aswonn an re a lavur yn agas mysk ha neb a'gas hembronk y'n Arloedh ha'gas keski,

3 Yowann 1:8

Ytho ni a dal skoedhya re a'n par na, rag may fyn kesoberoryon y'n gwirder.

Diskwedhyans 2:3

Yma genes perthyans; ty a wodhevis a-barth ow hanow, ha nyns osta skwithys.

1 Peder 5:5

Y'n keth vaner, hwi, a dus yowynk, bedhewgh gostydh dhe'n henavogyon, ha pubonan gwiskewgh uvelder an eyl dh'y gila, rag ‘Duw a sett orth tus woethus, mes dhe dus uvel, y re ev gras.’

Ebrowyon 6:10

Rag nyns yw Duw kammhynsek owth ankevi agas ober ha'n gerensa a dhiskwedhsowgh a'y wovis ev ow servya an syns, ha dell wrewgh hwath lemmyn.

1 Timothi 5:17

Bedhes tybys gwiw ri enor dewblek dhe'n henavogyon a rewl yn ta, dres oll an re a lavur yn ger hag yn dyski.

1 Thessalonianys 2:9

Rag hwi a berth kov, a vreder, a'gan lavur ha'gan hwel. Owth oberi dydh ha nos ma na worren begh warnowgh, ni a bregowthas dhywgh aweyl Duw.

1 Thessalonianys 1:3

ow perthi kov a'gas ober a fydh ha'gas lavur a gerensa ha'gas perthyans a wovenek yn agan Arloedh Yesu Krist a-dherag Duw agan Tas,

Filippianys 4:3

Dhe wir, my a'th pys ynwedh, a yew-was len, may hweressi an benynes a lavuryas genev y'n aweyl, gans Klemens ynwedh ha'm kesoberoryon erell, neb usi aga henwyn y'n lyver a vewnans.

Efesianys 5:21

Bedhewgh gostydh an eyl dh'y gila yn own Krist.

1 Korinthianys 12:28

Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

1 Korinthianys 3:9

Rag ni yw kesoberoryon Duw; hwi yw park gonedhys Duw, drehevyans Duw.

Romanyon 16:12

Salusewgh Tryfena ha Tryfosa an re ow lavurya y'n Arloedh. Salusewgh Persis an garadow, neb a lavurya meur y'n Arloedh.

Romanyon 16:9

Salusewgh Urbanus agan kesoberer yn Krist ha Staghys ow haradow.

Romanyon 16:6

Salusewgh Maria neb re lavuryas meur ragowgh.

Romanyon 16:3

Salusewgh Priska hag Akwila, ow hesoberoryon yn Krist Yesu,

1 Kroniklys 12:18

Ena an Spyrys a dheuth war Amasay, penn an deg warn ugens, hag ev a leveris, ‘Ni yw dhis, A Davydh, ni yw genes, A vab Yesse! Kres, kres dhis, ha kres dhe'th weresoryon, rag dha Dhuw a'th weres.’ Ena Davydh a's degemmeras ha'ga gul pennow an bagasow.

Ekklesiastes 1:3

Pandr'yw an gwayn dhe vebyon den der oll aga ober kales a wrons i dhe oberi omma yn-dann an howl?

Ebrowyon 13:24

Salusewgh agas hembrenkysi ha'n syns oll. An re a Itali a'gas salus.