1 Korinthianys 16:14 - An Bibel Kernewek 20234 (Kernewek Kemmyn)

¹⁴ Pup-tra hag a wrewgh, bedhes gwrys yn kerensa.

1 Korinthianys 16:14 ပူးပေါင်းရင်းမြစ်များ

Yowann 15:17

Hemma a worhemmynnav dhywgh, hwi dhe gara an eyl y gila.

Romanyon 14:15

Mes mara'n jevydh dha vroder offens der an pyth a dhybrydh, ny gerdhydh na fella yn kerensa. Na as dha voes dhe dhistrui nebonan may ferwis Krist a'y wovis.

1 Korinthianys 12:31

Mes yeunewgh yn ter an rohow ughella. Ha my a wra diskwedhes dhywgh fordh hwath bryntinna.

1 Korinthianys 14:1

Siwyewgh kerensa, mes yeunewgh yn ter an rohow spyrysel, yn arbennik may profoessowgh.

1 Korinthianys 16:15

Tra arall a vynnav, breder: hwi a woer bos mayni Stefanas an kynsa frut yn Aghaia, hag i re omros dhe wonis dhe'n syns;

1 Korinthianys 8:1

Lemmyn a-dro dhe offrynnow dhe idolys, dell wodhon, ‘ni oll a'gan beus godhvos.’ Godhvos a dheg hwythfians, mes kerensa a dhrehav.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

1 Thessalonianys 3:12

ha'n Arloedh re wrello dhywgh ynkressya ha palshe yn kerensa an eyl dh'y gila, ha dhe bub den kepar dell wren ni ynwedh dhywgh hwi,

1 Thessalonianys 3:6

Mes Timothi re dheuth nammnygen dhyn ni dhiworthowgh, ha derivas dhyn nowodhow da a'gas fydh ha'gas kerensa, ha hwi dhe berthi kov da ahanan pup-prys, ha hwi hwansek dh'agan gweles, kepar dell on ni dh'agas gweles hwi;

2 Thessalonianys 1:3

Y koedh dhyn grassa dhe Dhuw pup-prys yn agas kever, a vreder, dell yw gwiw, rag agas fydh a wra tevi yn fras ha'gas kerensa pubonan dh'y gila a wra palshe,

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

Ebrowyon 13:4

Bedhes priosoleth synsys yn enor gans peub, ha bedhes andhefolys gweli an demmedhyans; rag Duw a vreus an re dhijast ha'n avoutroryon.

1 Peder 4:8

Kyns oll, kevewgh kerensa yntredhowgh heb hedhi, rag kerensa a gudh peghosow pals.

2 Peder 1:7

hag yn sansoleth kuvder dhe vreder, hag yn kuvder dhe vreder kerensa.