1 Korinthianys 16:13 - An Bibel Kernewek 20234 (Kernewek Kemmyn)

¹³ Bedhewgh hewoel, sevewgh fast y'n fydh, bedhewgh hardh, bedhewgh krev.

1 Korinthianys 16:13 ပူးပေါင်းရင်းမြစ်များ

2 Samuel 10:12

Bydh hardh, ha bedhen kolonnek rag agan pobel, ha rag sitys agan Duw; ha re wrello an Arloedh an pyth a hevel da dhodho.’

1 Myghternedh 2:2

‘Yth esov ow mos yn fordh an norvys oll; bydh kolonnek ytho, ha bydh gour,

1 Kroniklys 19:13

Bydh krev, ha diskwedhyn agan honan kolonnek a-barth agan pobel ha rag sitys agan Duw; ha re wrello an Arloedh an pyth a hevel da dhodho.’

1 Kroniklys 28:10

Kemmer with lemmyn, rag an Arloedh re'th tewisas dhe dhrehevel chi rag an sentri; bydh krev, ha'n gwra.’

Salmow 27:14

Gwra fydhya y'n Arloedh; bydh nerthek ha bedhes dha golonn konfortys; ha gorta an Arloedh.

Salmow 31:24

Bedhewgh krev ha bedhes agas kolonn konfortys, oll hwi a drest y'n Arloedh.

Ysay 35:4

Leverewgh dhe'n re gans kolonn brederus, ‘Bedhewgh krev, na berthewgh own; otta, agas Duw a dheu gans dial, gans attal duwel. Ev a dheu ha'gas sawya.’

Daniel 10:19

Yn-medh ev, ‘Na borth own, A wour karadow; kres re bo genes; bydh krev, ha bydh pur grev.’ Kettell gewsis orthiv, y feuv kennerthys, hag y leveris, ‘Re gowsso ow arloedh, rag ty re'm kennerthas.’

Daniel 11:32

Ha'n re a gammdremen erbynn an kevambos, ev a wra aga flattra yn fekyl; mes an bobel a aswonn aga Duw a vydh krev ha gul gweyth.

Haggay 2:4

Mes lemmyn bydh kolonnek, A Zerubbabel, yn-medh an Arloedh, ha bydh kolonnek, A arghoferyas Yoshua mab Yosedek, ha bedhewgh kolonnek, oll pobel an vro, yn-medh an Arloedh, hag oberewgh, drefenn ow bos genowgh, yn-medh Arloedh an luyow.

Zekaria 8:13

Ha kepar dell vewgh molleth yn mysk an kenedhlow, A ji Yuda ha ji Ysrael, yn kettella my a wra agas sawya, ha hwi a vydh bennath. Na berthewgh dout, mes krevhewgh agas diwleuv.

Zekaria 8:9

Yndellma y lever Arloedh an luyow: Bedhes krev agas diwleuv, hwi neb a glew y'n dydhyow ma an geryow na dre anow an brofoesi y'n termyn may feu grondys chi Arloedh an luyow, rag may fo drehevys an tempel.

Matthew 25:13

Goelyewgh ytho, rag ny wodhowgh naneyl an jydh na'n eur may teu Mab an den.

Matthew 26:41

Goelyewgh ha pysewgh ma na entrowgh yn temptasyon; an spyrys dhe wir yw parys fest, mes gwann yw an kig.’

Luk 21:36

Bedhewgh hewoel pup-prys, ow pysi may fo dhywgh nerth dhe fia dhiworth pup-tra eus ow tegynsiwa, ha dhe sevel a-rag Mab an den.’

1 Korinthianys 14:20

Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

1 Korinthianys 15:58

Rakhenna, ow breder meurgerys, bedhewgh len, fyrv, pup-prys ow palshe yn gonis an Arloedh, ow kodhvos nag yw euver agas lavur y'n Arloedh.

2 Korinthianys 1:24

Nyns yw ni dhe routya agas fydh, mes kesoberoryon on ni genowgh rag agas joy: rag y'n fydh y sevowgh fyrv.

Galatianys 5:1

Rag rydhses y hwrug Krist agan delivra; rakhenna sevewgh fast, na vedhewgh maglennys arta yn-dann yew a gethneth.

Efesianys 3:16

may rollo dhywgh hwi, war-lergh rychys y splannder, dhe vos krevhes gans galloes der y Spyrys y'n den pervedhel,

Efesianys 6:10

Wor'tiwedh, bedhewgh krev y'n Arloedh, hag y'n nerth a'y alloes.

Filippianys 1:27

Saw bedhes agas bewedh gwiw dhe'n aweyl a Grist, mar tov dh'agas gweles po gortos a-ves, may klewviv ahanowgh, hwi dhe sevel yn unn spyrys gans unn enev, ow strivya war-barth rag fydh an aweyl,

Filippianys 4:1

Ytho, ow breder garadow, ha my hirethek war agas lergh, ow lowena ha'm kurun, sevewgh fast yndella y'n Arloedh, a garadowyon.

Filippianys 4:13

My a yll gul pup-tra dredho ev neb a re dhymm nerth.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

Kolossianys 4:12

Epafras a'gas dynnergh, onan ahanowgh, kethwas Krist Yesu, ow strivya pup-prys ragowgh yn y bysadow, may seffowgh perfydh ha surhes yn tien y'n bolonjedh oll a Dhuw.

Kolossianys 4:2

Gwrewgh pesya yn pysadow, ow koelyas ynno gans grasyans;

1 Thessalonianys 3:8

Rag ni a vew lemmyn mar sevowgh hwi y'n Arloedh.

1 Thessalonianys 5:6

Ytho, na goskyn kepar ha'n re erell, mes gwren goelyas ha bedhen divedhow.

2 Thessalonianys 2:15

Ytho, a vreder, sevewgh fast ha synsewgh an hengovyow a dhys'sowgh genen dre lavar po dre lyther.

1 Timothi 6:12

Striv strivyans da an fydh; gwra synsi an bewnans heb diwedh may feus gelwys dhodho ha may hwrussys professyans da anodho a-dherag lies test.

2 Timothi 2:1

Ty, ow flogh, bydh nerthek gans y'n gras usi yn Krist Yesu;

2 Timothi 4:5

Mes ty bydh sad yn pup-tra, godhav drog, gwra ober aweyler, kollanw dha venystri.

2 Timothi 4:7

My re strivyas an strivyans da ha kowlwul an resegva. My re withas an fydh.

Yoshua 1:18

Piwpynag a vo diwostydh dhe'th arghadow ha neb na woslow orth dha lavarow, pup-tra a worhemmynnydh dhodho, a vydh gorrys dhe'n mernans. Mes bydh krev ha bydh kolonnek.’

Yoshua 1:9

A ny erghis dhis? Bydh krev ha bydh kolonnek; na borth own ha na vydh dyegrys, rag bos an Arloedh dha Dhuw genes plepynag yth edh.’

1 Peder 4:7

Gorfenn pup-tra re dheuth nes; ytho bedhewgh doeth ha sad orth pysadow.

1 Peder 5:8

Bedhewgh sad, bedhewgh hewoel. Agas eskar an jowl, kepar ha lew owth usa, a gerdh a-dro, ow hwilas nebonan dhe dhevorya.

Diskwedhyans 16:15

(‘Otta, my a dheu kepar ha lader. Gwynnvys neb a woel ha gwitha y dhillas na gertho noeth, ha na wello tus y noethedh.’)

1 Samuel 4:9

Gwellhewgh agas cher, bedhewgh gwer, A Filistysi, ma na vowgh gwesyon dhe'n Ebrowyon kepar dell vons dhywgh hwi; bedhewgh gwer ha batalyewgh.’