1 Korinthianys 15:47 - An Bibel Kernewek 20234 (Kernewek Kemmyn)

⁴⁷ A'n dor yth o an kynsa den, den a dhoust; a nev yth yw an nessa den.

1 Korinthianys 15:47 ပူးပေါင်းရင်းမြစ်များ

Jenesis 2:7

an Arloedh Duw a formyas mab-den mes a dhoust an dor ha hwytha yn y dhewfrik anall bewnans, ha den eth ha bos enev bew.

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Ysay 9:6

Rag flogh re beu genys dhyn, mab re beu res dhyn; ha war y dhiwskoedh yma arloettys. Hag ev a vydh henwys Kusulyador Marthys, Duw Galloesek, Tas bys Vykken, Pennsevik Kres.

Yeremia 23:6

Yn y dhydhyow Yuda a vydh selwys hag Ysrael a vew yn sawder. Ha hemm yw an hanow may fydh gelwys: An Arloedh agan Ewnder.

Matthew 1:23

‘Awotta, an wyrghes a wra omdhoen ha dineythi mab hag i a'n henow Emmanuel’, yw dhe styrya, Genen ni Duw.

Luk 2:11

bos genys ragowgh hedhyw yn sita Davydh Selwyas, neb yw Krist an Arloedh.

Yowann 3:31

Ev neb a dheu a wartha yw dres pup-tra; ev neb yw a'n nor yw a'n nor hag ev a gews a'n nor. Ev neb a dheu a nev yw dres pup-tra

Yowann 6:33

Rag bara Duw yw ev neb a dheu yn-nans dhiworth nev hag a re bewnans dhe'n bys.’

Oberow 10:36

Hwi a woer an ger a dhannvonas ev dhe vebyon Ysrael, ow pregoth kres dre Yesu Krist neb yw Arloedh peub oll.

1 Korinthianys 15:45

Yndella skrifys yw, ‘An kynsa den Adam a dheuth ha bos enev bew’; an Adam diwettha a dheuth ha bos spyrys a re bewnans.

1 Korinthianys 15:46

Mes nyns yw an korf spyrysel hag yw an kynsa, mes korf a'n bys ma, ha wosa henna an korf spyrysel.

2 Korinthianys 5:1

Rag ni a woer hemma: mars yw distruys agan chi y'n bys, an tylda ma, yma dhyn drehevyans a Dhuw, chi nag yw gwrys gans leuv, a dhur bynitha y'n nevow.

1 Timothi 3:16

Res yw avowa, meur, dhe wir, yw an kevrin a sansoleth: Diskwedhys veu y'n kig, prevys ewn y'n Spyrys, gwelys gans eledh, pregewthys ynter an Jentilys, krysys y'n bys, kemmerys yn-bann yn splannder.