1 Korinthianys 15:42 - An Bibel Kernewek 20234 (Kernewek Kemmyn)

⁴² Yndella yw dasserghyans an re varow. An pyth yw hesys yn podredhes, dastrehevys yw yn anpodredhes.

1 Korinthianys 15:42 ပူးပေါင်းရင်းမြစ်များ

Jenesis 3:19

Yn hwys dha fas ty a dheber bara, bys may tehwelli arta dhe'n dor; rag a henna ty a veu kemmerys: rag doust osta, ha dhe dhoust arta ty a dhehwel.’

Job 17:14

mar lavarav dhe'n pytt, “Ty yw ow thas”, ha dhe'n gontronenn, “Ty yw ow mamm ha'm hwoer”,

Salmow 16:10

Rag ny vynnydh gasa ow enev yn ifarn, na ri dha Sans dhe weles an pytt.

Salmow 49:14

Avel deves ymons i gorrys yn ifarn; ankow a's bugel, ha'n re ewnhynsek a wra maystri warnedha y'n myttin. i a dhiyskynn dison dhe'n bedh. Aga furv a beder y ifarn; pell dhiworth aga chiow ughel.

Salmow 49:9

rag may fewa bynitha ha ma na wella an pytt.

Ysay 38:17

Otta rag les y feu dhymm hwerowder; mes ty re withas ow enev dhiworth an pytt a dhistruans, rag ty re dewlis oll ow feghosow a-dryv dha geyn.

Daniel 12:3

Ha'n re fur a wra splanna avel golowyjyon an fyrmament; ha'n re a dreyl lies dhe wiryonedh a vydh avel an ster bys vykken ha bynnari.

Matthew 13:43

Ena y terlenter an re wiryon avel an howl yn gwlaskor aga Thas. Neb a'n jeves diwskovarn, ev klewes.

Oberow 2:27

rag ny vynnydh gasa ow enev yn ifarn na ri dha Sans dhe weles podredhes.

Oberow 2:31

ev a ragwelas ha kewsel a-dro dhe dhasserghyans Krist, “Ny veu gesys yn ifarn, ha ny wrug y gig gweles podredhes.”

Romanyon 1:23

ha treylya golewder Duw na verow yn hevelep imaj densys a beder hag ydhyn hag enyvales peswar-troesek ha pryves.

Romanyon 2:7

dhe'n re a hwila, dre berthyans ow kul da, gordhyans hag enor hag anvarwoleth, y fynn ev ri bewnans heb diwedh.

Romanyon 8:21

drefenn an kreasyon y honan dhe vos rydhhes dhiworth kethneth podredhes dhe rydhses golewder fleghes Duw.

1 Korinthianys 15:41

Yma unn golewder a'n howl, ha golewder arall a'n loer, ha golewder arall a'n ster; rag an eyl sterenn yw dihaval dhe sterenn arall yn golewder.

Galatianys 6:8

rag neb a wra hasa dh'y gig y honan, dhiworth an kig ev a wra mysi podredhes; mes neb a wra hasa dhe'n Spyrys, dhiworth an Spyrys y hwra ev mysi bewnans heb diwedh.

1 Peder 1:4

dhe ertach heb pedri, andhefolys, ha heb gwedhra, yw gwithys yn nev ragowgh hwi