1 Korinthianys 15:32 - An Bibel Kernewek 20234 (Kernewek Kemmyn)

³² Mar omledhis vy orth goedhviles yn Efesus rag skilys nag o saw a dhensys, py les yw dhymm? Mar nyns yw drehevys an re varow, ‘Gwren dybri hag eva, rag a-vorow y ferwyn.’

1 Korinthianys 15:32 ပူးပေါင်းရင်းမြစ်များ

Job 35:3

Mar kovynnydh orto, “Py les eus dhymm, ha pandr'a waynyav mar ny beghav?”

Salmow 73:13

Sur, my re lanhas ow holonn yn euver ha golghi ow diwleuv yn gwiryonsys.

Ekklesiastes 11:9

Bydh lowen, A wour yowynk, y'th flogholeth, ha gas dha golonn dhe'th wul lowen yn dydhyow dha yowynkneth, ha gwra kerdhes yn fordhow dha golonn, hag yn golok dha dhewlagas, ha godhvydh, y hwra Duw dha dhri yn breus drefenn oll an taklow ma.

Ekklesiastes 2:24

Nyns eus travyth gwell rag den ages dybri hag eva, ha bos lowen yn y lavur. Ynwedh my re welas hemma dhe dhos dhiworth leuv Duw.

Ysay 22:13

Hag otta yma joy ha lowender, ladha chatel ha ladha deves, dybri kig hag eva gwin; ‘Dybryn hag evyn, rag a-vorow ni a verow’.

Ysay 56:12

‘Dewgh’, yn-medhons, ‘gesewgh vy dhe gavoes gwin! Evyn agan gwalgh a gorev. An vorow a vydh avel hemma, po brassa hwath.’

Luk 12:19

ha my a lever dhe'm enev, Ty enev, yma dhis pythow lower gorrys yn gwith rag lies blydhen; gwra powes, dybri, eva, ha bos lowen.”

Luk 9:25

Rag pana les a vydh dhe dhen, pan wrello gwaynya oll an bys, hag ev y honan ow pos diswrys po kellys?

Oberow 18:19

I a dheuth bys yn Efesus hag ev a's gasas ena, mes ev eth yn synaga ha dadhla gans an Yedhewon.

Oberow 18:21

mes ow kasa farwell ev a leveris, ‘Dos dhywgh arta a wrav, mar mynn Duw’; hag ev a woelyas dhiworth Efesus.

Oberow 19:1

Lemmyn dell hwarva, hag Apollos yn Korinth, Powl a dremenas der an ranndiryow ughella ha dos dhe Efesus, may kavas dyskyblon,

Romanyon 3:5

Mes mar tiskwa agan droktra ewnder Duw, pandr'a wren leverel? Duw dhe vos anewn pan y'gan kessydh yn sorr? (Avel den y kowsav.)

Romanyon 6:19

Avel den y kowsav, drefenn gwannder agas kig. Rag par dell resewgh agas eseli avel kethyon dhe avlander ha dhe anlaghedh bys yn anlaghedh hwath moy, yndella gwrewgh ri agas eseli avel kethyon dhe ewnder rag sansheans.

1 Korinthianys 16:8

Mes my a wra gortos yn Efesus bys yn Penkost,

Galatianys 3:15

A vreder, my a gews herwydh ensampel den a'n bys ma. Kemmynnskrif neb den, pan vo fastys, ny'n defend denvyth, na ny worr denvyth gorhemmynnow erell ynno.

2 Peder 2:12

Mes an re ma, kepar ha bestes heb reson dineythys war-lergh natur dhe vos kechys ha distruys, ow plasfemya a-dro dhe daklow na wodhons, a vydh distruys y'n keth vaner,

Lyther Yud 1:10

mes an re ma a wra anvri dhe bypynag na gonvedhons; ha'n taklow a gonvedhons dre gnas kepar dell wra bestes heb reson, distruys vydhons i gansa.