1 Korinthianys 15:2 - An Bibel Kernewek 20234 (Kernewek Kemmyn)

² keffrys mayth owgh selwys dredhi, mar synsowgh yn fast an ger a bregewthis dhywgh, marnas yn euver y kryssowgh.

1 Korinthianys 15:2 ပူးပေါင်းရင်းမြစ်များ

Lavarow Koth 23:23

Pren gwiryonedh ha na'n gwerth, pren furneth, dyskans ha konvedhes.

Lavarow Koth 3:1

Ow mab, na ankov ow dyskans, gas dhe'th holonn gwitha ow gorhemmynnow;

Lavarow Koth 4:13

Syns fast dyskans, na as ev dhe vos dhe wari; gwith e, rag ev yw dha vewnans.

Luk 8:13

An re war an veynek yw neb pan glewons a dhegemmer an ger gans lowena, ha nyns eus dhedha gwreydhenn; i a grys pols byghan, hag yn termyn temptasyon i a gildenn.

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Oberow 8:13

Hag ynwedh Simon y honan a grysis, ha wosa y vos besydhys ev a junyas gans Felip; hag ow kweles toknys ha marthusyon meur gwrys, marth a'n jeva.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

Romanyon 11:22

Gwel ytho kuvder hag sevureth Duw; sevureth a'n eyl tu orth an re re goedhas hag a'y gila kuvder Duw orthis, mar pesydh yn y guvder, poken y fydhydh treghys dhe-ves ynwedh.

1 Korinthianys 1:18

Rag an ger a-dro dhe'n grows yw follneth dhe'n re usi ow mos dhe goll, mes dhyn nyni usi ow pos selwys, nerth Duw yth ywa.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 11:2

My a'gas kommend drefenn hwi dhe berthi kov ahanav yn pup-tra, ha dhe synsi yn fast an hengovyow par dell y's res dhywgh.

1 Korinthianys 15:14

ha mar ny veu Krist drehevys, euver yw agan pregoth, hag euver yw agas fydh.

2 Korinthianys 2:15

drefenn agan bos odour hweg Krist dhe Dhuw yn mysk an re ow pos selwys hag yn mysk an re usi ow mos dhe goll,

2 Korinthianys 6:1

Ha ni ow kesoberi, ni a'gas pys ma na dhegemmerrowgh gras Duw yn euver;

Galatianys 3:4

A wodhevsowgh kemmys yn euver – a pe yn euver devri?

Efesianys 2:8

Rag gans gras hwi re beu selwys dre fydh; ha nyns yw hemma ahanowgh hwi, ro Duw yw ev.

Kolossianys 1:23

mar kwrewgh pesya krev y'n fydh, grondys ha fyrv, heb bos removyes dhiworth govenek an aweyl a glewsowgh, pregewthys yn oll kreasyon yn-dann nev, ha my Powl, eth ha bos menyster anedhi.

2 Thessalonianys 2:15

Ytho, a vreder, sevewgh fast ha synsewgh an hengovyow a dhys'sowgh genen dre lavar po dre lyther.

2 Timothi 1:9

a wrug agan selwel ha gelwel gans galow sans, a-der herwydh agan gwriansow agan honan, mes war-lergh y dowl ha'y ras ev a veu res dhyn yn Krist Yesu kyns termyn heb worfenn,

Ebrowyon 10:23

Synsyn fast dhe brofessyans agan govenek fyrv, rag lel yw ev neb a ambosas;

Ebrowyon 2:1

Rakhenna y tegoedh dhyn koela dhe voy orth an traow yw klewys, ma nag ellen gans an liv.

Ebrowyon 3:14

Rag ni a gevrenn yn Krist pan synsyn agan kynsa fydhyans fyrv dhe'n diwedh.

Ebrowyon 3:6

mes Krist o len avel Mab dres chi Duw. Ha ni yw y ji mar synsyn agan fydhyans ha goeth yn agan govenek, fyrv dhe'n diwedh.

Ebrowyon 4:14

Ytho, a-ban y'gan beus arghoferyas meur re dremenas der an nevow, Yesu, Mab Duw, synsyn fast agan professyans.

Jamys 2:14

Pyth yw an les, ow breder, mar lever den bos fydh ganso, mes nyns eus gwriansow? A yll fydh y selwel?

Jamys 2:17

Yndella ynwedh, fydh hy honan, mar nyns eus gwriansow gensi, marow yw.

Jamys 2:26

Rag kepar dell yw an korf marow heb spyrys, yndella ynwedh, marow yw fydh heb gwriansow.