1 Korinthianys 14:4 - An Bibel Kernewek 20234 (Kernewek Kemmyn)

⁴ Neb usi ow kewsel yn taves a dhrehav y honan; mes neb usi ow profoesa a dhrehav an eglos.

1 Korinthianys 14:4 ပူးပေါင်းရင်းမြစ်များ

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Romanyon 14:19

Holyn ytho taklow a gres ha'n taklow may trehav dredha an eyl y gila.

1 Korinthianys 12:10

dhe onan arall galloes dhe oberi merklys, dhe onan arall profoesans, dhe onan arall godhvos dhe dhissernya yntra spyrysyon, dhe onan arall divers tavosow, ha dhe onan arall styr tavosow;

1 Korinthianys 12:28

Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

1 Korinthianys 13:1

Mar lavarren yn tavosow a dus hag a eledh, ha my heb kerensa, brest ughel y son po symbal ow tynkyal y fien.

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.

1 Korinthianys 14:12

Yndella hwi ynwedh; a-ban owgh hwi ter rag rohow an Spyrys, hwilewgh may fo dhywgh pals anedha, rag drehevyans an eglos.

1 Korinthianys 14:22

Yndella tavosow nyns yw tokyn rag kryjygyon mes rag diskryjygyon, ha nyns yw profoesans rag diskryjygyon mes rag kryjygyon.

1 Korinthianys 14:26

Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

1 Korinthianys 14:3

mes neb eus ow profoesa a gews orth tus rag aga drehevyans, aga hennerth ha'ga honfort.

1 Korinthianys 14:5

My a vynn orthowgh hwi oll kewsel yn tavosow, mes moy es henna, profoesa; neb a brofoes yw brassa ages neb a gews yn tavosow, marnas nebonan a styr, may fo an eglos drehevys.