1 Korinthianys 14:26 - An Bibel Kernewek 20234 (Kernewek Kemmyn)

²⁶ Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

1 Korinthianys 14:26 ပူးပေါင်းရင်းမြစ်များ

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 12:7

neb a serv, re serfyo; neb a dhysk, re dhysko;

Romanyon 14:19

Holyn ytho taklow a gres ha'n taklow may trehav dredha an eyl y gila.

Romanyon 15:2

Plegyn ni, peub ahanan, dh'y gentrevek rag da, rag y dhrehevel.

1 Korinthianys 14:15

Pandr'a wrav vy, ytho? Pysi gans an spyrys my a wra, ha pysi gans an brys ynwedh; kana gans an spyrys my a wra, ha kana gans an brys ynwedh.

1 Korinthianys 14:2

Rag ev neb usi ow kewsel yn taves ny gews orth tus, mes orth Duw; rag ny'n konvedh denvyth, mes ev a gews kevrinyow y'n Spyrys;

1 Korinthianys 14:27

Mar kews tus yn taves, ny res bos saw dew, po tri dhe'n moyha, ha peub war y dorn, hag onan styryes;

1 Korinthianys 14:40

mes pup-tra bedhes gwrys dell dhelledh hag yn fordh gempenn.

2 Korinthianys 12:19

Seulabrys y tybowgh ni dhe omaskusya dhywgh. A-rag Duw ni a gews yn Krist; mes pup-tra, karadowyon, yw a-barth agas drehevyans.

2 Korinthianys 13:10

Rakhenna my a skrif an traow ma, ha my dhe-ves ahanowgh, ma na dhyghtiv yn asper herwydh an awtorita a veu res dhymm gans an Arloedh rag drehevyans, a-der rag diswrians.

Efesianys 4:12

rag darbari an syns dhe hwel menystrans, dhe dhrehevyans korf Krist,

Efesianys 4:16

dhiworth neb, an korf dien, junys ha synsys war-barth dre bub giowenn ow skoedhya war-lergh oberyans 'vas pub rann, a wra dhe'n korf tevi, rag y dhrehevyans yn kerensa.

Efesianys 4:29

Na dhes drog-ger vyth yn-mes a'gas ganow, saw pypynag a vo da rag an drehevyans yw res, may rollo gras dhe neb a'n klewvo.

Efesianys 5:19

ow kewsel an eyl orth y gila yn salmow ha hymnys ha kanow spyrysel, ow kana hag ow kul melodi yn agas kolonn dhe'n Arloedh;

1 Thessalonianys 5:11

Rakhenna, kennerthewgh an eyl y gila, ha drehevel an eyl y gila, dell wrewgh yn hwir.