1 Korinthianys 14:25 - An Bibel Kernewek 20234 (Kernewek Kemmyn)

²⁵ kevrinyow y golonn diskudhys yw; rakhenna, koedhys dhe'n dor, gordhya Duw a wra ev hag avowa bos Duw yntredhowgh yn tevri.

1 Korinthianys 14:25 ပူးပေါင်းရင်းမြစ်များ

Jenesis 44:14

Yuda ha'y vreder a dheuth dhe ji Yosep. Yth esa ev hwath ena, hag i a goedhas dhe'n leur a-dheragdho.

Salmow 72:11

Re omblekko myghternedh oll a-dheragdho; hag oll an kenedhlow bos y sojets.

Ysay 45:14

Yndellma y lever an Arloedh: Gwayn lavur Ejyp ha gwara Ethiopia, ha pobel Sabea, gwer meur aga ughelder, a dheu dhis, ha bos dhis; i a hol war dha lergh ow tos dhis yn kadonyow. I a ombleg dhe'n dor a-ragos, ha pysi dhis, ow leverel, ‘Yma Duw genes yn sur, ha nyns eus nahen, nyns eus duwow saw ev.’

Ysay 60:14

Mebyon an re a'th arwaskas a gerdh dhis ow plegya dhe'n dor, hag oll myns a'th tespityas a ombleg dhe'n dor orth godhnow dha dreys; hag i a'th elow Sita an Arloedh, Sion a Sans Ysrael.

Daniel 2:47

Yn-medh an myghtern dhe Daniel, ‘Yn hwir yth yw dha Dhuw Duw a dhuwow, hag Arloedh a vyghternedh, ha diskudher a gevrinyow, rag ty re allas diskudha an kevrin ma.’

Zekaria 8:23

Yndellma y lever Arloedh an luyow: Y'n dydhyow na deg gour dhiworth oll yethow an kenedhlow a dhalghenn lostenn an goen a wour yedhowek, ow leverel, ‘Deun ni genowgh hwi, rag ni re glewas bos Duw genowgh.’

Luk 17:16

hag ev a goedhas war y fas orth treys Yesu ha grassa dhodho. Samaritan o ev.

Luk 5:8

Simon Peder pan y'n gwelas a goedhas orth dewlin Yesu ow leverel, ‘Diberth dhiworthiv, rag gour peghus ov, A Arloedh.’

Luk 8:28

Pan welas Yesu, ev a armas, ha koedha a-ragdho, ha leverel gans lev ughel, ‘Pandr'a vynnydh tejy genev vy, Yesu, Mab Duw Ughella? My a'th pys, na wra ow thormentya.’

Yowann 4:19

Yn-medh an venyn dhodho, ‘Syrra, my a wel ty dhe vos profoes.

Oberow 4:13

Pan welsons kolonnekter Peder ha Yowann, ha konvedhes aga bos tus dhidhysk ha leg, yth esa marth dhedha, hag i a aswonnis y fiens gans Yesu,

Dewteronomi 9:18

Ena my a goedhas dhe'n dor a-rag an Arloedh avel kyns, dewgens dydh ha dewgens nos; ny dhybris bara nag eva dowr, rag oll agas pegh a beghsowgh, ow kul drog a-wel an Arloedh, dh'y brovokya dhe sorr.

Diskwedhyans 19:4

Ha'n peswar henavek warn ugens ha'n peswar kreatur bew a goedhas ha gordhya Duw owth esedha war an tron, ow leverel, ‘Amen, Alleluya!’

Diskwedhyans 5:8

Ha pan gemmeras an rol, an peswar kreatur bew, ha'n peswar henavek warn ugens a goedhas dhe'n dor a-dherag an Oen, pubonan gans telynn ha fiolyow owrek leun a ynkys, yw pysadow an syns.

1 Samuel 9:19

Ha Samuel a worthybis dhe Sowl, ha leverel, ‘An gwelesydh ov vy, ke yn-bann a-dheragov dhe'n tyller ughel, rag ty a dheber genev hedhyw, ha myttin my a wra dha asa dhe vones, ha leverel dhis pup-tra eus y'th kolonn.