1 Korinthianys 14:20 - An Bibel Kernewek 20234 (Kernewek Kemmyn)

²⁰ Breder, na vedhewgh fleghes yn agas tybyans, mes bedhewgh babanes yn droktra, hag yn tybyans bedhewgh adhves.

1 Korinthianys 14:20 ပူးပေါင်းရင်းမြစ်များ

Nehemia 4:13

Ytho my a worras tus y'n tylleryow isella a-dryv an fos, yn tylleryow igor; my a worras an bobel yn bagasow teylu, gans aga kledhedhyow, aga guwow, ha'ga gwaregow.

Salmow 119:99

My a gonvedh moy ages ow dyskadoryon oll, rag my a breder yn town a'th tustuniow.

Ysay 11:3

Y dhelit a vydh yn own an Arloedh. Ny vreus herwydh golok y dhewlagas, nag ervira herwydh klewans y dhiwskovarn;

Yeremia 4:22

‘Rag ow fobel yw foll, ny'm aswonnsons; fleghes wokki yns, ny's teves konvedhes: konnyk yns dhe wul drogober, mes dhe wul da ny's teves skentoleth.’

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 18:3

hag yn-medh ev, ‘Yn hwir y lavarav dhywgh, marnas hwi a dreyl, ha dos ha bos avel fleghes, nyns ewgh kammenn vyth a-bervedh yn gwlaskor nev.

Matthew 19:14

Mes Yesu a leveris, ‘Gesewgh an fleghesigow dhe dhos dhymmo ha na wrewgh aga lettya, rag dhe re a'n par ma yw gwlaskor nev.’

Matthew 19:4

Hag ev a worthybis ow leverel, ‘A ny wrussowgh redya, neb a's formyas y'n dalleth “dh'aga gul gorreydh ha benynreydh”?

Mark 10:15

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Luk 18:17

Yn hwir y lavarav dhywgh, piwpynag na dhegemmerro gwlaskor Duw avel fleghik, ev ny enter dhedhi mann.’

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 16:19

Rag agas gostytter yw aswonnys gans tus oll, bys may lowenhav warnowgh; my a vynn orthowgh bos fur dhe'n da ha gwiryon dhe'n drog.

1 Korinthianys 13:11

Pan en vy flogh, my a leveri avel flogh, my a dybi avel flogh, my a resna avel flogh; pan dheuth ha bos gour, my a worras dhe-ves traow a flogholeth.

1 Korinthianys 14:19

byttegyns, y'n eglos gwell via genev leverel pymp ger gans ow brys, may tysken re erell, ages deg mil er yn taves.

1 Korinthianys 2:6

Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves.

Efesianys 4:13

erna dhyffyn ni oll dhe unnsys an fydh hag aswonnvos Mab Duw, yn gour perfydh, dhe'n musur a'n adhvetter a'n leunder a Grist,

Filippianys 1:9

Ha hemma my a bys, may hwrello agas kerensa palshe moy ha moy yn godhvos ha pub konvedhes,

Filippianys 3:15

An re ahanan ytho yw gwrys perfydh, prederyn hemma; ha mar prederowgh ken, hemma ynwedh Duw a dhiskwedh dhywgh.

1 Peder 2:2

Kepar ha fleghes nowydh genys, hwansewgh leth spyrysel pur may teffowgh dhe selwyans dredho,

2 Peder 3:18

Mes tevewgh yn gras ha godhvos agan Arloedh ha Selwyas Yesu Krist. Dhodho ev re bo gordhyans hag y'n eur ma, ha bys y'n jydh heb worfenn. Amen.