1 Korinthianys 13:4 - An Bibel Kernewek 20234 (Kernewek Kemmyn)

⁴ Pell ow perthi yma kerensa; kuv yw kerensa, ny berth avi; kerensa ny vost, nyns yw goethus,

1 Korinthianys 13:4 ပူးပေါင်းရင်းမြစ်များ

Jenesis 30:1

Pan welas Raghel na wrussa hi dineythi flogh dhe Yakob, Raghel a borthas avi orth hy hwoer ha leverel dhe Yakob, ‘Ro dhymmo mebyon, ken my a verow.’

Jenesis 37:11

Ha'y vreder a borthas avi orto; mes y das a withas an dra yn y vrys.

Nehemia 9:17

I a skonyas a woslowes, ha ny borthsons kov a'n marthusyon a wrussys yn aga mysk; mes i a dheuth ha bos kales aga hilbenn, hag y feu bodh aga brys dhe dhehweles dh'aga hethneth yn Ejyp. Mes ty yw Duw neb yw parys dhe ava, grassyes ha truedhek, lent ow serri, hag ow palshe yn tregeredh, ha ny wrussys aga forsakya.

Salmow 10:5

Y fordhow a sewen pup-prys; yma dha vreusow a-vann, yn-mes a'y wel; ev a hwyth orth y eskerens oll.

Lavarow Koth 10:12

Kas a dhifun strif, mes kerensa a gudh pub kammweythres.

Lavarow Koth 13:10

Dre donteth ny dheu saw strif, mes gans an re hag a woslow orth kusul yma furneth.

Lavarow Koth 17:14

Dalleth strif yw avel gasa dowr dhe skapya, ytho gas an gedrynn kyns hi dhe dardha yn-mes.

Lavarow Koth 17:9

Neb a av kammweythres a hwila kerensa, mes neb a gews arta a'n mater a wra dibarth yntra keskowetha.

Lavarow Koth 19:22

An pyth a vynnir y gavoes yn den yw tregeredh, ha den boghosek yw gwell ages gour gowek.

Lavarow Koth 31:20

Hi a iger hy leuv dhe'n voghosogyon, hag ystynn hy diwleuv dhe'n edhommogyon.

Lavarow Koth 31:26

Hi a iger hy ganow gans furneth, hag yma an dyskans a dregeredh war hy thaves.

Ekklesiastes 10:4

Mara sev sorr an rewler er dha bynn, na as dha dyller, rag kalmynsi a dhiswra peghosow bras.

Matthew 27:18

Rag ev a wodhya i dh'y dhaskorr der atti.

Oberow 7:9

‘Ha'n ugheldasow, lenwys a avi, a werthas Yosep yn Ejyp; mes yth esa Duw ganso,

Romanyon 1:29

Gorlenwys ens a bub kammhynseth, droktra, krefni, atti. Leun a avi, moldra, strif, toell, spit, hwystroryon yns,

Romanyon 13:13

Omdhegyn yn onest dell wren y'n jydhweyth, heb bos yn kevewiow gwyls na medhwynsi, heb bos yn dijastita na drokhwansow direwl, heb bos yn kedrynna na perthi avi.

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

1 Korinthianys 4:18

Lemmyn, re ahanowgh deuva ha bos goethus, kepar ha pan na ven ow tos dhywgh.

1 Korinthianys 4:6

My re gewsis an taklow ma, breder, a-dro dhymmo vy hag a-dro dhe Apollos rag agas les, dredhon may tyskowgh styr an lavar ‘Travyth dres an pyth yw skrifys’, ma na vowgh hwi omhwythys a-barth an eyl erbynn y gila.

1 Korinthianys 5:2

Ha goethus yth owgh hwi. A ny goedhvia dhywgh oela, ha tewlel yn-mes a-dhiworthowgh ev neb re wrug an drogober ma?

1 Korinthianys 8:1

Lemmyn a-dro dhe offrynnow dhe idolys, dell wodhon, ‘ni oll a'gan beus godhvos.’ Godhvos a dheg hwythfians, mes kerensa a dhrehav.

2 Korinthianys 12:20

Own a'm beus a gavoes, pan dhov, nag owgh hwi par dell vynnav vy, hag ow bos vy kevys genowgh par dell na vynnowgh hwi. Own a'm beus a strivyans, avi, sorr, kedrynnansow, sklanderyow, drokhwystrennow, goeth, derays;

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

Galatianys 5:26

Na vedhen goethus, ow serri an eyl y gila, ow perthi avi an eyl a'y gila.

Efesianys 4:2

gans pub uvelder ha klorder gans perthyans, ow kodhav an eyl y gila yn kerensa,

Efesianys 4:32

Ha bedhewgh kuv an eyl dh'y gila, truedhek, parys dhe ava an eyl dh'y gila kepar dell avas Duw yn Krist dhywgh hwi ynwedh.

Filippianys 1:15

Dhe wir, re a bregoth Krist der envi ha strif, mes re ynwedh dre volonjedh da;

Kolossianys 1:11

nerthys gans pub galloes war-lergh krevder y splannder dhe bub perthyans ha godhevyans; gans lowena

Kolossianys 2:18

Na wres denvyth kemmeres dhiworthowgh agas gober, ow kovynn uvelder ha gordhyans eledh, ow teskrifa an manylyon a daklow na welas, omhwythys yn euver dre vrys y gig,

Kolossianys 3:12

Ytho, avel tus dhewisys gans Duw, sans ha karadow, gwiskewgh truedh, kuvder, uvelder, klorder, perthyans,

1 Thessalonianys 5:14

Ha ni a'gas pys, a vreder, a geski an re yw diek, a hebaskhe an re yw digolonnek, a skoedhya an re yw gwann, hir agas godhevyans troha pub den oll.

1 Timothi 6:4

yw goethus, heb konvedhes travyth, mes yma dhodho hwans anyagh dhe dhadhlow ha dhe dhisputyansow a-dro dhe eryow. Dhiworth an taklow ma y teu avi, strivyans, kabel, gogrysyow drog,

2 Timothi 2:25

yn klorder ow tyski an re a sev er y bynn. Y hyll bos, Duw dhe ri edrek dhedha rag godhvos an gwir,

2 Timothi 3:10

Mes ty re siwyas yn tiwysyk ow dyskas, ow fara, ow thowl, ow fydh, ow hirwodhevyans, ow herensa, ow ferthyans,

2 Timothi 4:2

pregoth an ger; bydh ter, da po drog kyn fo an seson; gwra keredhi, keski hag ynnia gans pub hirwodhevyans ha dyskas.

Titus 3:3

Rag ni ynwedh o foll, diwostydh, toellys, kethwesyon dhe drokhwansow ha plesours divers, ow pewa yn atti hag avi, kasadow, hag ow kasa an eyl y gila.

Jamys 4:5

Po a dybowgh an skryptor dhe leverel yn euver, ‘Trohag avi y yeun an spyrys a wrug ev dhe driga ynnowgh.’

1 Peder 2:1

Ytho, gorrewgh dhe-ves pub drog ha pub toell ha falsuri hag avi ha pub kabel.

1 Peder 3:8

Wor'tiwedh, bedhewgh hwi oll a'n keth brys, ow keskodhevel, ow kara an vreder, truedhek, uvel,

1 Peder 4:8

Kyns oll, kevewgh kerensa yntredhowgh heb hedhi, rag kerensa a gudh peghosow pals.

2 Peder 1:7

hag yn sansoleth kuvder dhe vreder, hag yn kuvder dhe vreder kerensa.

1 Yowann 4:11

Hwi garadowyon, kemmys mara'gan kara Duw, ni a dal kara an eyl y gila.