1 Korinthianys 13:1 - An Bibel Kernewek 20234 (Kernewek Kemmyn)

¹ Mar lavarren yn tavosow a dus hag a eledh, ha my heb kerensa, brest ughel y son po symbal ow tynkyal y fien.

1 Korinthianys 13:1 ပူးပေါင်းရင်းမြစ်များ

Salmow 150:5

Gormelewgh ev war an symbalys kesson; gormelewgh ev war an symbalys ughel aga son.

Matthew 25:45

Ena ev a wra aga gorthybi ow leverel, “Yn hwir y lavarav dhywgh, par dell na'n gwrussowgh dhe onan a'n re lyha ma, dhymmo vy ny'n gwrussowgh.”

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Romanyon 14:15

Mes mara'n jevydh dha vroder offens der an pyth a dhybrydh, ny gerdhydh na fella yn kerensa. Na as dha voes dhe dhistrui nebonan may ferwis Krist a'y wovis.

1 Korinthianys 12:10

dhe onan arall galloes dhe oberi merklys, dhe onan arall profoesans, dhe onan arall godhvos dhe dhissernya yntra spyrysyon, dhe onan arall divers tavosow, ha dhe onan arall styr tavosow;

1 Korinthianys 12:16

Ha mar lavarra an skovarn, ‘Drefenn nag ov lagas, nyns ov rann a'n korf’, ny via byttele rann a'n korf.

1 Korinthianys 12:8

Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

1 Korinthianys 13:8

Kerensa ny fyll nevra; mes mars eus profoesansow, i a wra gorfenna; po tavosow, i a wra difygya; po godhvos, ev a wra gorfenna.

1 Korinthianys 14:2

Rag ev neb usi ow kewsel yn taves ny gews orth tus, mes orth Duw; rag ny'n konvedh denvyth, mes ev a gews kevrinyow y'n Spyrys;

1 Korinthianys 14:4

Neb usi ow kewsel yn taves a dhrehav y honan; mes neb usi ow profoesa a dhrehav an eglos.

1 Korinthianys 14:5

My a vynn orthowgh hwi oll kewsel yn tavosow, mes moy es henna, profoesa; neb a brofoes yw brassa ages neb a gews yn tavosow, marnas nebonan a styr, may fo an eglos drehevys.

1 Korinthianys 8:1

Lemmyn a-dro dhe offrynnow dhe idolys, dell wodhon, ‘ni oll a'gan beus godhvos.’ Godhvos a dheg hwythfians, mes kerensa a dhrehav.

2 Korinthianys 12:4

dhe vos kemmerys yn-bann yn paradhis, ha klewes lavarow na yll denvyth aga leverel.

Galatianys 5:22

Mes frut an Spyrys yw kerensa, lowena, kres, perthyans, kuvder, dader, lenduri,

Galatianys 5:6

Rag yn Krist Yesu ny wrer fors a drodreghyans nag a antrodreghyans, mes a fydh owth oberi dre gerensa.

1 Timothi 1:5

Mes towl an arghadow yw kerensa yn-mes a golonn lan ha kowses da ha fydh heb gil.

1 Peder 4:8

Kyns oll, kevewgh kerensa yntredhowgh heb hedhi, rag kerensa a gudh peghosow pals.

2 Peder 2:18

Rag ow kewsel gans bostyans euver, i a dhyn gans drokhwansow direwl an kig an re na dhiank skant dhiworth an dus a vew yn maner bodrek.

Diskwedhyans 14:2

Ha my a glewas son dhiworth nev kepar ha son lies dowr, ha son taran vras, ha'n son a glewis o kepar ha telynnyoryon ow telynnya gans aga thelynnow.