1 Korinthianys 12:8 - An Bibel Kernewek 20234 (Kernewek Kemmyn)

⁸ Rag dhe onan yw res der an Spyrys lavar a skentoleth, dhe onan arall lavar a wodhvos herwydh an keth Spyrys,

1 Korinthianys 12:8 ပူးပေါင်းရင်းမြစ်များ

Nehemia 9:20

Ty a ros dha spyrys da dh'aga dhyski ha ny skonsys dha vanna a'ga ganow hag a ros dhedha dowr rag aga syghes.

Job 32:8

Mes yth yw spyrys yn mab-den, anall an Ollgalloesek, a re dhodho furneth.

Salmow 143:10

Dysk dhymm gul dha vodh, rag ty yw ow Duw. Gwres dha Spyrys kuv ow hembronk yn tir kompes.

Eksodus 31:3

ha my re'n lenwis gans spyrys Duw, gans furneth ha konvedhes, gans skians hag oll kreftweyth,

Lavarow Koth 2:6

Rag an Arloedh a re furneth, a'y anow y teu godhvos ha konvedhes,

Ysay 50:4

An Arloedh Duw re ros dhymm taves an re yw dyskys, rag may hwodhviv fatell sostenav gans ger an den skwith. Myttin ha myttin ev a dhifun, ev a wra dhe'm skovarn difun rag goslowes kepar ha'n re yw dyskys.

Ysay 59:21

Ha hemm yw ow hevambos a wrav gansa, yn-medh an Arloedh: ow Spyrys usi warnas ha'm geryow re worris yn dha anow ny dhiberth a'th anow nag a anow dha has, nag a anow has dha has, yn-medh an Arloedh, alemma rag ha bys vykken.

Daniel 2:21

Ev a dreyl an prysyow ha'n sesonyow; ev a remov myghternedh ha sevel myghternedh; ev a ro furneth dhe'n re fur, ha godhvos dhe'n re a woer konvedhes.

Matthew 13:11

Ev a worthybis ha leverel dhedha, ‘Dhy'hwi yth yw grontys aswonn kevrinyow gwlaskor nev, mes dhedha i nyns yw grontys.

Oberow 6:3

Rakhenna, breder, hwilewgh yn agas mysk seyth gour gerys-da, leun a'n Spyrys hag a furneth, neb a wren ni apoyntya dhe'n charj ma;

Romanyon 15:14

Ha surhes ov ow honan, ow breder, yn agas kever, hwi ynwedh dhe vos leun a dhader, lenwys a bub godhvos, had abel dhe ri kusul an eyl dh'y gila.

1 Korinthianys 1:30

Anodho ev yth esowgh hwi yn Krist Yesu, neb a dheuth ha bos ragon ni skentoleth dhiworth Duw, hag ewnder ha sansheans ha daspren.

1 Korinthianys 1:5

rag yn pub fordh hwi re beu gwrys kevoethek ynno ev, yn kows ha skentoleth a bub eghenn –

1 Korinthianys 13:2

Ha mar pe dhymm galloes dhe brofoesa, ha mar konvetthen pub kevrin ha pub oll godhvos, ha mar pe dhymm fydh gowal may hallen tenna dhe-ves menydhyow, ha my heb kerensa, ny vien travyth.

1 Korinthianys 13:8

Kerensa ny fyll nevra; mes mars eus profoesansow, i a wra gorfenna; po tavosow, i a wra difygya; po godhvos, ev a wra gorfenna.

1 Korinthianys 14:26

Ytho, pandr'a wrewgh hwi, ow breder? Pan omguntellowgh, pub huni a'n jeves hymna, po dyskans, po diskwedhyans, po taves, po styryans. Pup-tra bedhes gwrys rag drehevyans.

1 Korinthianys 14:6

Lemmyn, breder, mar tov vy dhywgh ow kewsel yn tavosow, fatell vydhav dhe les dhywgh marnas my a gews orthowgh yn diskwedhyans, po yn godhvos, po yn profoesans, po yn dyskas?

1 Korinthianys 2:11

Rag py den a woer an pyth yw a dhensys yn hwir marnas spyrys a dhensys usi ynno? Yn kettella, ytho, denvyth ny gonvedh an pyth yw dhe Dhuw marnas Spyrys Duw.

1 Korinthianys 2:16

‘Rag piw re gonvedhas brys an Arloedh may hwrello y gevarwoedha?’ Mes ni a'gan beus brys Krist.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 11:6

Mes mars ov vy yn hwir heb sleyghneth owth arethya, nyns ov vy yndella yn godhvos, hag yn pub fordh ni re wrug henna fest apert dhywgh.

2 Korinthianys 2:14

Mes dhe Dhuw re bo grasow, neb a'gan hembronk pup-prys yn trygh yn Krist, ow lesa dredhon yn pub le odour an godhvos anodho;

2 Korinthianys 4:6

Rag Duw, neb a leveris ‘Yn-mes a dewlder y hwra golow splanna’, re splannas yn agan kolonnow dhe ri golow godhvos golewder Duw yn fas Krist.

2 Korinthianys 6:6

yn glander, yn godhvos, yn perthyans, yn kuvder, y'n Spyrys Sans, yn kerensa wiryon,

2 Korinthianys 8:7

Mes, yn pup-tra dell balshowgh, yn fydh hag yn kows hag yn godhvos hag yn pub diwysygneth hag yn agas kerensa dhyn ni, gwaytyewgh may palshahowgh y'n gras ma ynwedh.