1 Korinthianys 12:3 - An Bibel Kernewek 20234 (Kernewek Kemmyn)

³ Rakhenna my a afydh dhywgh na lever denvyth ‘Milliges re bo Yesu’ hag ev ow kewsel dre Spyrys Duw, keffrys na yll denvyth leverel ‘Yesu yw an Arloedh’ marnas der an Spyrys Sans.

1 Korinthianys 12:3 ပူးပေါင်းရင်းမြစ်များ

Salmow 109:20

Hemm yw gober ow huhudhoryon dhiworth an Arloedh, ha'n re a gews erbynn ow enev.

Matthew 22:43

Yn-medh ev dhedha, ‘Fatell ytho y hwra Davydh y'n Spyrys y elwel Arloedh, ow leverel,

Mark 9:39

Mes Yesu a leveris, ‘Na'n lettyewgh ev; rag nyns eus denvyth a wra marthusyon yn ow hanow vy hag a yll a verr spys kewsel drog ahanav.

Yowann 13:13

Hwi a'm gelow Mester hag Arloedh, ha hwi a gews yn ta, rag yndella yth ov.

Yowann 13:14

Ytho mar kwrugavy, agas Mester ha'gas Arloedh, golghi agas treys, peub ahanowgh ynwedh a dal golghi treys y gila.

Yowann 15:26

‘Mes pan dheu an Konforter neb a dhannvonav dhywgh dhiworth an Tas, an Spyrys a wiryonedh neb a dheu yn-mes dhiworth an Tas, ev a dheg dustuni ahanav.

Oberow 8:37

Hag yn-medh Felip, ‘Mar krysydh gans oll dha golonn, gwiw yw.’ Hag ev a worthybis, ‘My a grys bos Yesu Krist Mab Duw.’

Romanyon 10:9

Rag mar konfessydh yn dha anow Yesu dhe vos Arloedh ha krysi y'th kolonn y hwrug Duw y dhrehevel a'n mernans, y fydhydh selwys.

Romanyon 9:3

Rag y'm bia bodh my ow honan dhe vos milliges ha diberthys dhiworth Krist rag ow breder, ow herens a-barth an kig.

1 Korinthianys 16:22

Neb na gar an Arloedh, bedhes milliges. Re dheffo agan Arloedh!

1 Korinthianys 8:6

hwath ragon nyni yma unn Duw, an Tas, dhiworth neb yw pup-tra, ha rag neb yth on ni, hag unn Arloedh, Yesu Krist, dre neb yw pup-tra ha dre neb yth on ni.

2 Korinthianys 11:4

Rag yn tevri mar teu nebonan dhe bregoth Yesu arall neb na bregewthsyn ni, po mar tegemmerowgh ken spyrys ages an spyrys a dhegemmersowgh, po ken aweyl ages an aweyl a ressevsowgh, fest yn ta y'n godhevowgh.

2 Korinthianys 3:5

Nyns on ni gwiw dhyn agan honan dhe rekna travyth a'gan honan, mes agan gwiwder yw a Dhuw,

Galatianys 3:13

Krist a'gan dasprenas dhiworth molleth an lagha hag ev gwrys molleth ragon, rag skrifys yw, ‘Milliges vydh peub yw kregys war brenn’,

Dewteronomi 21:23

na vedhes gesys y gorf dre nos war an wydhenn, mes ty a'n ynkleudh an keth jydh na, rag milligys gans Duw yw den kregys; ma na dhefolli dha dir a wra an Arloedh dha Dhuw y ri dhis avel eretons.

Diskwedhyans 1:10

Yth esen y'n Spyrys yn dydh an Arloedh, ha klewes a-dryv dhymm lev bras, kepar ha hirgorn,