1 Korinthianys 12:28 - An Bibel Kernewek 20234 (Kernewek Kemmyn)

²⁸ Ha Duw re ordenas y'n eglos, kynsa abesteli, nessa profoesi, tressa dyskadoryon, ena galloes dhe oberi merklys, ena rohow a yaghheans, a ri sokor, a venystra, a dhivers tavosow.

1 Korinthianys 12:28 ပူးပေါင်းရင်းမြစ်များ

Niverow 11:17

Ha my a dhiyskynn ha kewsel genes ena; ha my a gemmer nebes a'n spyrys eus warnas ha'y worra warnedha; hag i a dheg begh an bobel genes, ma na'n godheffi dha honan.

Mark 16:17

Ha'n toknys ma a wra holya an re a grys: yn ow hanow vy i a dewl yn-mes dywolow; dre davosow nowydh y hwrons kewsel;

Luk 6:14

Simon, neb a henwis ynwedh Peder, hag Androw y vroder, ha Jamys ha Yowann ha Felip ha Bertyl

Oberow 11:27

Y'n dydhyow ma profoesi a dheuth yn-nans dhiworth Yerusalem dhe Antiogh;

Oberow 20:28

Kemmerewgh with a'gas honan hag a'n para oll ma'gas gorras an Spyrys Sans avel gorwoelysi rag bugelya eglos Duw, a waynyas der y woes y honan.

1 Korinthianys 10:32

Na wrewgh offens vyth dhe Yedhewon, na dhe Grekys, na dhe eglos Duw,

1 Korinthianys 12:18

Ytho, lemmyn Duw a worras an eseli, kettep onan, y'n korf par dell vynnas.

1 Korinthianys 12:29

Yw peub oll abesteli? Yw peub oll profoesi? Yw peub oll dyskadoryon? A ober peub oll merklys?

1 Korinthianys 12:30

Yw dhe beub oll galloes dhe yaghhe? A gews peub oll yn tavosow? A yll peub oll ri styryow?

1 Korinthianys 14:2

Rag ev neb usi ow kewsel yn taves ny gews orth tus, mes orth Duw; rag ny'n konvedh denvyth, mes ev a gews kevrinyow y'n Spyrys;

1 Korinthianys 14:4

Neb usi ow kewsel yn taves a dhrehav y honan; mes neb usi ow profoesa a dhrehav an eglos.

1 Korinthianys 14:5

My a vynn orthowgh hwi oll kewsel yn tavosow, mes moy es henna, profoesa; neb a brofoes yw brassa ages neb a gews yn tavosow, marnas nebonan a styr, may fo an eglos drehevys.

Efesianys 2:20

drehevys war sel an abesteli ha'n brofoesi, Krist Yesu y honan ow pos an pennmen.

Efesianys 3:5

na veu notys dhe vebyon den yn henedhow erell, kepar dell yw diskwedhys lemmyn dh'y abesteli sans, ha'y brofoesi y'n Spyrys,

1 Timothi 5:17

Bedhes tybys gwiw ri enor dewblek dhe'n henavogyon a rewl yn ta, dres oll an re a lavur yn ger hag yn dyski.

Ebrowyon 13:17

Bedhewgh gostydh dh'agas hembrenkysi hag uvel dhedha; rag ymons i ow kwitha war agas enev, avel tus a goedh ri akont; gesewgh i dhe wul hemma yn lowen, heb kyni yn tristans, rag ny via henna dh'agas les.

Ebrowyon 13:24

Salusewgh agas hembrenkysi ha'n syns oll. An re a Itali a'gas salus.