1 Korinthianys 12:13 - An Bibel Kernewek 20234 (Kernewek Kemmyn)

¹³ Rag der unn Spyrys ni oll a veu besydhys yn unn korf, Yedhewon po Grekys, kethyon po tus rydh, ha dhyn ni oll y feu gwrys dhe eva yn unn Spyrys.

1 Korinthianys 12:13 ပူးပေါင်းရင်းမြစ်များ

An Gan a Ganow 5:1

My re dheuth a-berth y'm lowarth, ow hwoer, ow fries, my re guntellas ow myrr gans ow spis, my re dhybris ow kribenn mel gans ow mel, my re evas ow gwin gans ow leth. Dybrewgh, A gowetha, evewgh, ha bedhewgh medhow dre gerensa.

Ysay 55:1

Ho, keniver a's teffo syghes, dewgh dhe'n dowrow; ha hwi na'gas beus arghans, dewgh, prenewgh ha dybrewgh! Dewgh, prenewgh gwin ha leth heb arghans ha heb pris.

Yoel 2:29

Ynwedh war an wesyon ha'n maghtethyon, y'n dydhyow na, y hwrav vy dinewi ow Spyrys.

Matthew 3:11

My a'gas besydh gans dowr dhe edrega, mes ev neb a dheu war ow lergh yw moy galloesek agesov vy ha'y eskisyow nyns o'ma gwiw dh'aga doen. Ev a'gas besydh gans an Spyrys Sans ha tan.

Luk 3:16

Yowann a worthybis, ow leverel dhedha i oll, ‘My dhe wir a'gas besydh gans dowr; mes nebonan yw kreffa agesov vy a dheu, ma nag ov vy gwiw dhe dhigelmi kroen y eskisyow. Ev a'gas besydh y'n Spyrys Sans ha tan.

Yowann 1:16

Rag a'y leunder ni oll re dhegemmeras, ha gras war ras;

Yowann 1:33

Ha ny wrugavy y aswonn, mes neb a'm dannvonas dhe vesydhya yn dowr, ev a leveris dhymm, “Neb may hwelydh an Spyrys ow tos yn-nans warnodho hag ow kortos warnodho, hemm yw neb a vesydh gans an Spyrys Sans.”

Yowann 3:5

Yesu a worthybis, ‘Yn hwir, yn hwir y lavarav dhis, marnas den a vo genys a dhowr hag a Spyrys, ny yll ev entra yn gwlaskor Duw.

Yowann 4:10

Yesu a worthybis ha leverel dhedhi, ‘Mar kodhves ro Duw, ha piw yw neb a lever dhis, “Ro dhymm dhe eva”, ty a wrusses y bysi, hag ev a rossa dhis dowr bew.’

Yowann 4:14

mes piwpynag a effo a'n dowr a rov vy dhodho ny'n jevydh syghes bynitha; mes an dowr a rov dhodho a vydh ynno fenten a dhowr ow frosa bys yn bewnans heb diwedh.’

Yowann 6:63

An Spyrys yth yw neb a re vewnans; nyns eus prow vyth y'n kig. An geryow a gowsav dhywgh, yth yns i spyrys, ha bewnans.

Oberow 1:5

‘Rag Yowann a vesydhyas gans dowr, mes kyns lies dydh besydhys vydhowgh gans an Spyrys Sans.’

Romanyon 3:22

ewnder Duw dre fydh yn Yesu Krist rag oll hag a grys. Rag nyns eus dibarth;

Romanyon 3:29

Po unnsel dhe'n Yedhewon yw ev Duw? A nyns yw ev Duw an kenedhlow ynwedh? Yw, a'n kenedhlow ynwedh,

Romanyon 4:11

Ev a'n jeva an tokyn a drodreghyans a-wosa, sel a'n ewnder a'n jevo seulabrys dre fydh hag ev hwath antrodreghys; may fo gwrys tas peub eus ow krysi kyn fo antrodreghys; may fo ewnder akontys dhedha i ynwedh.

1 Korinthianys 10:2

hag oll a veu besydhys yn Moyses, y'n gommolenn hag y'n mor,

Galatianys 3:23

Kyns bos fydh devedhys, yth eson ni gwithys yn-dann lagha, prisonys bys pan ve an fydh diskudhys wortiwedh,

Galatianys 3:28

Ny yllir bos namoy Yedhow na Grek, na keth na den rydh, na gorow na benow, rag yth owgh hwi oll onan yn Krist Yesu,

Efesianys 3:6

an Jentilys dhe vos kes-heryon ha keskorf, ha kevrennoryon a'n ambos yn Krist Yesu der an aweyl.

Efesianys 4:5

unn Arloedh, unn fydh, unn besydhyans,

Efesianys 5:26

ma's gwrella sans, orth hy glanhe dre wolghas an dowr der an ger,

Efesianys 6:8

ow kodhvos pub den, py dader pynag a wrello, hag ev keth po rydh, dhe dhegemmeres hemma dhiworth an Arloedh.

Kolossianys 1:27

dhe neb Duw a vynnas diskudha pyth yw rychys splannder an mysteri ma yn mysk an Jentilys, yw Krist ynnowgh hwi, govenek an splannder.

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,