1 Korinthianys 10:6 - An Bibel Kernewek 20234 (Kernewek Kemmyn)

⁶ Gwarnyansow dhyn ni yw an traow ma, ma na vo dhyn hwans a dhrog, par dell esa dhedha i.

1 Korinthianys 10:6 ပူးပေါင်းရင်းမြစ်များ

Niverow 11:4

Lemmyn an routh esa yn aga mysk a'n jevo ewl krev; ha mebyon Ysrael ynwedh a oelas arta, ow leverel, ‘Piw a re dhyn kig dhe dhybri?

Romanyon 5:14

Byttegyns mernans a reynyas a-dhia Adam bys yn termyn Moyses, ha war an re ynwedh nag o aga feghosow haval dhe dreuspass Adam, neb yw figur anodho ev neb a vedha ow tos.

1 Korinthianys 10:11

Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

Ebrowyon 4:11

Bedhes mall genen ytho a entra y'n bowesva na, ma na goettho nagonan dre dhiwostytter a'n keth par.

Ebrowyon 9:24

Rag nyns yw a-ji dhe sentri gwrys gans leuv, tokyn an gwir sentri, mayth entras Krist, mes a-ji dhe nev y honan, lemmyn dhe omdhiskwedhes ragon a-rag fas Duw.

1 Peder 3:21

Hemm yw tokyn a'gan saw lemmyn, henn yw besydhyans. Nyns yw gorra dhe-ves mostedhes an kig mes gorthyp kowses da dhe Dhuw dre dhasserghyans Yesu Krist,

2 Peder 2:6

ha mar tampnyas sitys Sodom ha Gomorra dhe dhiswrians, orth aga leski dhe lusu yn ensampel dhe dus a vynno bewa ongrassyes;

Lyther Yud 1:7

kepar ha Sodom ha Gomorra ha'n sitys yn aga hyrghynn, a veu omres dhe'n keth dijastita hag ow mos war-lergh kig astranj, settys rag bysna yn aga hessydhyans gans tan heb diwedh.