1 Korinthianys 10:17 - An Bibel Kernewek 20234 (Kernewek Kemmyn)

¹⁷ A-ban eus unn dorth-vara, ni neb yw lies unn korf yw, drefenn ni dhe gevrenna an keth bara.

1 Korinthianys 10:17 ပူးပေါင်းရင်းမြစ်များ

Romanyon 12:5

yndella ni, pals dell on, unn korf on yn Krist ha pub huni eseli an eyl a'y gila.

1 Korinthianys 10:21

Ny yllowgh hwi eva hanaf an Arloedh ha hanaf dywolow; ny yllowgh hwi kevrenna a voes an Arloedh hag a voes dywolow.

1 Korinthianys 12:12

Rag kepar dell yw an korf onan, ha ganso lies esel, (mes eseli an korf, kynth yns lies, yw unn korf), yndella ynwedh yw Krist.

1 Korinthianys 12:27

Lemmyn, hwi yw korf Krist, hag eseli anodho kettep penn.

Efesianys 3:6

an Jentilys dhe vos kes-heryon ha keskorf, ha kevrennoryon a'n ambos yn Krist Yesu der an aweyl.

Efesianys 4:16

dhiworth neb, an korf dien, junys ha synsys war-barth dre bub giowenn ow skoedhya war-lergh oberyans 'vas pub rann, a wra dhe'n korf tevi, rag y dhrehevyans yn kerensa.

Efesianys 4:25

Rakhenna, gorrewgh dhe-ves gowegneth, ha ‘kewsel pubonan an gwir gans agas hynsa’, rag agan bos eseli an eyl a'y gila.

Efesianys 4:4

Yma unn korf hag unn Spyrys, kepar dell vewgh gelwys yn unn govenek a'gas galow;

Kolossianys 2:19

heb synsi an penn, a neb an korf oll, skoedhys ha junys war-barth der an giow ha'n skennys, a dyv gans tevyans Duw.

Kolossianys 3:11

Omma nyns eus Grek na Yedhow, trodreghyans nag antrodreghyans, den barbarus, Skythyas, kethwas, den rydh; mes Krist yw pup-tra, hag yn pup-tra yma ev.

Kolossianys 3:15

Ha gwres kres Krist rewlya yn agas kolonn, an kres mayth owgh hwi gelwys dhodho yn unn korf; ha godhvydhewgh gras.