1 Korinthianys 10:11 - An Bibel Kernewek 20234 (Kernewek Kemmyn)

¹¹ Lemmyn an traow ma a hwarva yn ensampel dhedha i, mes skrifys vons rag agan keski ni, may teuva keweras an oesow warnan.

1 Korinthianys 10:11 ပူးပေါင်းရင်းမြစ်များ

Jenesis 19:35

Ytho i a wrug dh'aga thas eva gwin an nos na ynwedh, ha'n yowynka a sevis yn-bann ha growedha ganso, ha ny wodhva ev pan wrowedhas hi, na pan sevis hi yn-bann.

Salmow 102:18

Hemma a vydh skrifys rag an henedh a dheu, ha pobel a vydh formys a wormel an Arloedh;

Ezekiel 5:15

Ty a vydh skorn, ha tont, ha bysna hag euth dhe'n kenedhlow a-dro dhis, pan wrav breusow er dha bynn yn sorr hag yn konnar hag yn keredhyow konneryek. My, an Arloedh, re gewsis.

Matthew 13:39

ha'n eskar neb a's gonedhas yw an jowl, ha'n drevas yw diwedh an oes, ha'n vysoryon yw eledh.

Matthew 13:40

Ytho kepar dell yw an ivra kuntellys ha leskys yn tan, yndella y fydh yn diwedh an oes.

Romanyon 13:11

Gans henna ow kodhvos an termyn, an eur yw hwi dhe dhifuna a gosk. Rag yma selwyans nes dhyn lemmyn es dell o pan gryssyn ni wostalleth.

Romanyon 13:12

Gyllys pell yw an nos ha devedhys nes yw an jydh. Tewlyn dhe-ves ytho oberow an tewlder ha gwiskyn arvow an golow.

Romanyon 15:4

Rag pypynag a veu skrifys kyns a veu skrifys rag agan dyski, rag may hwrellen der agan perthyans ha dre gonfort an skryptors, kavoes govenek.

Romanyon 4:23

Mes ny veu an geryow, ‘y feu akontys dhodho’ skrifys unnsel ragdho ev,

1 Korinthianys 10:6

Gwarnyansow dhyn ni yw an traow ma, ma na vo dhyn hwans a dhrog, par dell esa dhedha i.

1 Korinthianys 7:29

Ow styr yw hemma, breder: devedhys ha bos pur verr yw an termyn; alemma rag, an re neb a's teves gwragedh, bedhens kepar ha pan vens i hebdha,

1 Korinthianys 9:10

A ny gews ev yn tevri a-barth dhyn ni? Skrifys veu a-barth dhyn ni, a-ban goedh dhe'n aradror aras gans govenek ha dhe'n drushyer drushya gans govenek, a gavoes rann a'n drevas.

Galatianys 4:24

An re ma yw leverys avel allegori; rag an re ma yw dew gevambos, honna dhiworth menydh Sinay, ow tineythi rag kethneth, yw Hagar.

Filippianys 4:5

Agas klorder bedhes aswonnys dhe bub den oll. Ogas yw an Arloedh.

Ebrowyon 10:25

heb forsakya agan kuntellyans agan honan, dell yw an usadow gans rann, mes kennertha an eyl y gila, ha seul voy dell welowgh an Jydh ow nesa.

Ebrowyon 10:37

Rag ‘hwath unn pols pur vyghan ha neb a vydh ow tos a dheu, ha ny wra strechya;

1 Yowann 2:18

A fleghigyow, yth yw an diwettha eur: ha dell re glewsowgh y teu Antekrist, y'n eur ma yma ynwedh lies Antekrist; dredhi y hwodhon hy bos an diwettha eur.