1 Korinthianys 10:1 - An Bibel Kernewek 20234 (Kernewek Kemmyn)

¹ Ny vynnav, breder, hwi dhe vos heb godhvos bos agan tasow oll yn-dann an gommolenn, hag i oll a dremenas der an mor,

1 Korinthianys 10:1 ပူးပေါင်းရင်းမြစ်များ

Nehemia 9:19

ty, yn dha dregeredh vras, ny's forsaksys y'n gwylvos; ny dhibarthas an goloven a gommol dhiworta y'n jydh rag aga hembronk y'n fordh, na'n goloven a dan y'n nos rag ri golow dhedha war a'n fordh mayth ellens.

Salmow 105:39

Ev a lesas kommolenn yn kudhans, ha tan dhe ri golow nosweyth.

Salmow 66:6

Ev a dreylyas an mor dhe dir sygh; mayth ethons der an avon war dreys; ena ni a lowenhas ynno.

Salmow 78:53

Ev a's ledyas yn sawder, ma nag ownsons; mes an mor a gudhas aga eskerens.

Eksodus 14:29

Mes mebyon Ysrael a gerdhas war dhor sygh yn mysk an mor, an dowrow ow pos fos dhedha a'ga dyghow hag a'ga kledh.

Eksodus 40:34

Ena an gommolenn a gudhas tylda an kuntelles, ha golewder an Arloedh a lenwis an tabernakel.

Niverow 14:14

hag i a lever hemma dhe drigoryon an tir ma. I re glewas ty dhe vos, A Arloedh, yn mysk an bobel ma; rag ty, A Arloedh, yw gwelys fas orth fas, ha dha gommolenn a sev a-ughta ha ty a a-dheragdha, yn koloven kommol dydhweyth hag yn koloven tan nosweyth.

Niverow 33:8

Hag i eth yn-kerdh a-dhiworth Hahiroth, ha tremena dres mysk an mor bys y'n gwylvos, hag i eth yn hyns a dri dydh yn gwylvos Etham, ha kampya yn Mara.

Yowann 4:20

Agan tasow re wordhyas y'n menydh ma; ha hwi a lever, bos yn Yerusalem an tyller may tegoedh gordhya.’

Romanyon 1:13

Ny vynnav, breder, hwi dhe vos heb godhvos bos ow bodh yn fenowgh dos dhywgh (mes bys y'n eur ma my re beu lettys), rag may kyffiv nebes trevas yntredhowgh keffrys hag ynter an kenedhlow erell.

Romanyon 11:21

Rag mar ny sparyas Duw an skorrennow naturel, ny'th spar tejy.

Romanyon 4:11

Ev a'n jeva an tokyn a drodreghyans a-wosa, sel a'n ewnder a'n jevo seulabrys dre fydh hag ev hwath antrodreghys; may fo gwrys tas peub eus ow krysi kyn fo antrodreghys; may fo ewnder akontys dhedha i ynwedh.

1 Korinthianys 12:1

Lemmyn, a-dro dhe daklow spyrysel, breder, ny vynnav orthowgh bos heb godhvos.

1 Korinthianys 14:38

Mar ny aswonn hemma, na vedhes ev aswonnys.

Galatianys 3:29

ha mars owgh hwi dhe Grist, ytho yth owgh hwi has Abraham, heryon herwydh ambos.

Dewteronomi 1:33

ow kerdhes a-ragowgh y'n fordh dhe hwilas le rag agas kampya, yn tan nosweyth dhe dhiskwedhes dhywgh an fordh a gerdhowgh ynni, hag yn kommol dydhweyth.’

Ebrowyon 11:29

Dre fydh y treussons an Mor Rudh avel dre dhor sygh; mes tus Ejyp, pan hwilsons gul yndellma, y fons lenkys.

Yoshua 4:23

Rag an Arloedh agas Duw a dhesyghas dowrow an Yordan a-ragowgh bys pan dreussewgh, kepar dell wrug an Arloedh orth an Mor Rudh pan y'n desyghas ragon bys pan dreussen,