1 Korinthianys 1:27 - An Bibel Kernewek 20234 (Kernewek Kemmyn)

²⁷ mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

1 Korinthianys 1:27 ပူးပေါင်းရင်းမြစ်များ

Salmow 8:2

Yn-mes a anow fleghigyow ha'n re ow tena ty re fastyas nerth drefenn dha eskerens, rag may tiswrylli an eskar ha'n dialor.

Ysay 29:14

rakhenna, awotta, my a wra marthusyon arta gans an bobel ma, marthus hag aneth. Furneth aga thus fur a vydh ow mos dhe goll, ha skians aga thus dhoeth a vydh kudhys.

Ysay 29:19

Arta an re uvel a's tevydh lowena y'n Arloedh, ha'n voghosogyon a lowenha yn Sans Ysrael.

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Yeremia 8:9

Yma meth dhe'n dus fur, dyegrys yns ha kechys: otta, i re naghas ger an Arloedh, ha pana furneth eus dhedha?

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Niverow 22:30

Ha'n asen a leveris dhe Balaam, ‘A nyns ov vy dha asen, warnav may farghegsys pup-prys a-ban veuv vy dhis bys y'n jydh ma? En vy bythkweth usys dhe wul yndellma dhis?’ Hag ev a leveris, ‘Nag es.’

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Matthew 21:16

hag yn-medhons dhodho, ‘A glewydh pandr'a lever an re ma?’ Mes Yesu a leveris dhedha, ‘Klewav. A ny wrussowgh bythkweth redya hemma, “Yn-mes a anow fleghesigow ha'n re ow tena ty re ordenas gormola”?’

Matthew 9:9

Ha Yesu ow tremena alena a welas den o esedhys orth an dollva, Matthew henwys, ha dhodho y leveris, ‘Gwra ow holya.’ Hag ev a sevis yn-bann hag a'n holyas.

Luk 21:15

rag my a re dhywgh ganow ha furneth ma na yll oll agas erbynnoryon sevel er agas pynn na'gas kontradia.

Oberow 17:18

Mes re a'n filosoforyon Epikurek ha Stoik a geskewsi ganso, ha re a leveris, ‘Pandr'a vynn an klappyer diskians ma dhe leverel?’ Hag yn-medh re erell, ‘Dell hevel, pregowther a dhywolow astranj yw ev’; rag ev dhe bregoth Yesu ha'n dasserghyans.

Oberow 7:35

‘An Moyses ma, neb a naghsons, ow leverel, “Piw a'th ordenas bos rewler ha breusyas?” Duw a'n dannvonas dhe vos ha rewler ha selwyas dre leuv an el neb a omdhiskwedhas dhodho y'n bos.

Oberow 7:54

Lemmyn pan glewsons an taklow ma, konneryek vons yn aga holonnow, hag i a dheskornas orto.

1 Korinthianys 1:20

Ple'ma'n den fur? Ple'ma'n den konnyk y'n lagha? Ple'ma'n dadhlor a'n oes ma? A ny wrug Duw dhe skentoleth an bys bos foll?

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 2:12

Ha ny dhegemmersyn spyrys an bys mes an Spyrys usi dhiworth Duw, may konvetthyn an taklow res yn hel dhyn ni gans Duw.

2 Korinthianys 10:10

Y leverir gans nebonan, ‘Yn tevri, poesek ha krev yw y lytherow, mes yn agan mysk gwann yw y gorf, ha'y gows y hyllir y dhispresya.’

2 Korinthianys 4:7

Ha ni a'gan beus an tresor ma yn lestri a bri, rag may fo an nerth dres eghenn dhiworth Duw, a-der ni;

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?