1 Korinthianys 1:26 - An Bibel Kernewek 20234 (Kernewek Kemmyn)

²⁶ Prederewgh a'gas galow agas honan, breder: nyns o nameur ahanowgh skentel war-lergh savonow mab-den, nyns o nameur galloesek, nyns o nameur genys a'n goes ughel,

1 Korinthianys 1:26 ပူးပေါင်းရင်းမြစ်များ

2 Myghternedh 5:4

Ytho Naaman eth ha derivas dh'y arloedh, ow leverel ‘Yndella y leveris an voren dhiworth pow Ysrael.’

Job 37:24

Rakhenna tus a berth own anodho; ha ny wra vri a'n dus yw fur yn tybyans aga holonn aga honan.’

Sefania 3:12

My a as ynwedh a-berth ynnos pobel boghosek ha gwann, hag i a hwila skovva yn hanow an Arloedh.

Luk 1:3

ytho, yth hevelis dhymmo vy ynwedh bos 'vas skrifa dhis yn kempenn, A Theofilus gorwiw, wosa hwithra pup-tra yn kompes a'n dalleth,

Luk 10:21

Y'n eur na, ev a veu pur heudhik y'n Spyrys Sans ha leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek, ha'ga diskudha dhe fleghesigow; ya, A Das, rag yndella re beu dha vodh.

Oberow 13:12

Ena an prokonsul, ow kweles an pyth a hwarva, a grysis, rag marth bras a'n jeva a dhyskas an Arloedh.

Oberow 13:7

neb esa gans an prokonsul Sergius Pawlus, gour a boell. An gour ma a elwis Barnabas ha Sowl ha hwilas klewes ger Duw;

Oberow 17:34

Mes niver a wer a junyas ganso ha krysi, yn aga mysk Dionysius an Areopagit, ha benyn henwys Damaris, ha gansa re erell.

Romanyon 11:29

Rag antreylyadow yw rohow ha galow Duw.

1 Korinthianys 1:20

Ple'ma'n den fur? Ple'ma'n den konnyk y'n lagha? Ple'ma'n dadhlor a'n oes ma? A ny wrug Duw dhe skentoleth an bys bos foll?

1 Korinthianys 2:13

A-dro dhe'n re ma, ytho, ni a gews yn lavarow nag yw dyskys dre skentoleth mab-den, mes dyskys gans an Spyrys, ow styrya traow spyrysel dhe'n re yw spyrysel.

1 Korinthianys 2:8

Nagonan a rewlysi an oes ma ny gonvedhas hemma; rag mar konvetthens, ny growssens an Arloedh a wormola.

Filippianys 4:22

An syns oll a'gas dynnergh, dres oll an re usi yn mayni Sesar.

Jamys 2:5

Goslowewgh, ow breder veurgerys. A ny dhewisas Duw an voghosogyon y'n bys dhe vos rych yn fydh ha heryon a'n wlaskor a ambosas dhe'n re a'n kar?

2 Yowann 1:1

An henavek, dhe'n arloedhes dhewisys ha'y fleghes, a garav y'n gwirder: mes nyns yw my ow honan, mes ynwedh oll an re a woer an gwirder,