1 Korinthianys 1:21 - An Bibel Kernewek 20234 (Kernewek Kemmyn)

²¹ Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 1:21 ပူးပေါင်းရင်းမြစ်များ

Daniel 2:20

Daniel a worthybis ow leverel: ‘Benniges re bo hanow Duw trank heb worfenn, rag dhodho ev yma furneth ha galloes.

Matthew 11:25

Y'n prys na Yesu a worthybis ow leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek ha'ga diskudha dhe fleghesigow;

Luk 10:21

Y'n eur na, ev a veu pur heudhik y'n Spyrys Sans ha leverel, ‘My a'th wormel, A Das, Arloedh nev ha nor, drefenn ty dhe gudha an taklow ma dhiworth an re fur ha skiansek, ha'ga diskudha dhe fleghesigow; ya, A Das, rag yndella re beu dha vodh.

Luk 12:32

‘Na berthewgh own, A flokk byghan, rag bodh agas Tas yw, ev dhe ri dhywgh an wlaskor.

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Romanyon 1:28

Ha drefenn nag o da gansa aswonnvos Duw, Duw a's gasas dhe dhrog vrys ha dhe fara divlas.

Romanyon 11:33

O, downder rychys Duw ha'y furneth ha'y wodhvos! Ass yw y vreus dres konvedhes, ha dres hwithra y fordhow!

1 Korinthianys 1:18

Rag an ger a-dro dhe'n grows yw follneth dhe'n re usi ow mos dhe goll, mes dhyn nyni usi ow pos selwys, nerth Duw yth ywa.

1 Korinthianys 1:23

mes ni a bregoth Krist krowsys, sklander dhe Yedhewon ha follneth dhe Jentilys,

1 Korinthianys 1:24

mes dhe'n re neb yw selwys, keffrys Yedhewon ha Grekys, Krist nerth Duw ha skentoleth Duw.

1 Korinthianys 1:25

Rag follneth Duw yw moy skentel ages skentoleth mab-den, ha gwannder Duw yw kreffa ages krevder mab-den.

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

1 Korinthianys 11:32

mes pan on ni breusys gans an Arloedh, keskys on ma na vyn ni dampnys war-barth ha'n bys.

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Korinthianys 4:10

Fellyon rag Krist yth on ni, mes skentel yn Krist yth owgh hwi; gwann yth on ni, mes krev yth owgh hwi; yn enor yth owgh hwi synsys, mes disenorys yth on ni.

1 Korinthianys 6:2

A ny wodhowgh hwi y hwra an syns breusi an bys? Ha mars yw an bys dhe vos breusys genowgh hwi, owgh hwi anwiw dhe vreusi maters byghan?

Galatianys 1:15

Byttegyns pan vynnas Duw, neb a'm dibarthas a-dhia vrys ow mamm ha'm gelwel der y ras,

Galatianys 4:8

Byttegyns y'n eur na pan na aswonnsowgh hwi Duw, yth ewgh kethyon dhe'n re nag yw duwow dre natur;

Efesianys 1:9

ow ri dhyn godhvos kevrin y volonjedh, war-lergh y vodh a dhispletyas ynno

Efesianys 3:10

may fe deklarys lemmyn dhe'n prynsipatys ha'n potestatys y'n tylleryow nevek, der an eglos, furneth Duw, meur hy diverseth,

Kolossianys 1:19

Rag ynno pub leunder a Dhuw a veu plesys dhe driga,

Ebrowyon 1:14

A nyns yns i oll spyrysyon menystra dannvenys rag gonis, a-barth an re a wra erita selwyans?

Ebrowyon 2:3

fatell wren ni diank mar ny wren vri a selwyans mar veur? Derivys veu yn kynsa der an Arloedh, ha dustuniys dhyn gans an re a'n klewas,

Ebrowyon 7:25

Yndellma, ev a yll selwel, rag oll termyn, an re a nes dhe Dhuw dredho, rag ev a vew prest dhe bysi ragdha.

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.

Jamys 5:15

Ha pysadow fydh a wra sawya an klav, ha'n Arloedh a vynn y dhrehevel. Ha mar kwrug ev peghosow, y fydh henna gevys dhodho.

Jamys 5:20

godhvydhes ev: neb a dreyl peghador a'y gammfordh a selow y enev a ankow, ha kudha peghosow pals.