1 Korinthianys 1:20 - An Bibel Kernewek 20234 (Kernewek Kemmyn)

²⁰ Ple'ma'n den fur? Ple'ma'n den konnyk y'n lagha? Ple'ma'n dadhlor a'n oes ma? A ny wrug Duw dhe skentoleth an bys bos foll?

1 Korinthianys 1:20 ပူးပေါင်းရင်းမြစ်များ

2 Samuel 15:31

Lemmyn y feu derivys dhe Davydh bos Ahithofel yn mysk an vrasoryon gans Absalom. Ytho Davydh a leveris, ‘A Arloedh, my a'th pys, treyl kusul Ahithofel dhe follneth.’

2 Samuel 16:23

Lemmyn y'n dydhyow na kusul Ahithofel o par dell wovynnir orth Duw; yndella yth o oll kusul Ahithofel gans Davydh ha gans Absalom.

2 Samuel 17:14

Hag Absalom hag oll gwer Ysrael a leveris, ‘Kusul Hushay an Arkyas yw gwell ages kusul Ahithofel.’ Rag an Arloedh re worhemmynnsa dhe lesta kusul dha Ahithofel, may halla an Arloedh dri drog war Absalom.

2 Samuel 17:23

Pan welas Ahithofel na veu y gusul holys, ev a dhibras y asen ha sevel ha mones dh'y ji, dh'y sita, hag ordena y vayni, hag omgregi ha merwel, hag ev a veu ynkleudhys yn bedh y das.

Job 12:17

Ev a led konseloryon dhe-ves dieskis, hag ev a wra dhe vuskogyon bos breusysi.

Job 12:20

Ev a dhege diwweus an re yw trestys, ha kemmeres dhe-ves skians an henavogyon.

Job 12:24

Ev a gemmer dhe-ves konvedhes dhiworth rewloryon pobel an tir, ha gul dhedha gwandra yn difeyth heb fordh.

Ysay 33:18

Dha golonn a berth kov a'n browagh: ‘Ple'ma an den esa ow nivera? Ple'ma an den esa ow poesa an doll? Ple'ma an den esa ow rekna an touryow?’

Ysay 44:25

neb a lett toknys oferysi-dhargan, hag a wra ges a goelyogyon; neb a dreyl tus fur war-dhelergh, ha gul foll aga godhvos;

Ysay 53:1

Piw re grysis an pyth re glewsyn? Ha piw dhodho y feu diskwedhys bregh an Arloedh?

Yeremia 10:7

Piw ny berth own ahanas, A Vyghtern an kenedhlow? Rag henn yw an pyth a dhegoedh dhis: yn mysk tus fur an kenedhlow, hag yn oll aga gwlaskordhow, nyns eus nagonan haval dhis.

Matthew 13:22

Ha'n dra hesys yn mysk spern, ev yw neb a glew an ger, mes fienasow an bys ha dynyans rychys a dag an ger hag ev ny dheg frut.

Yowann 12:31

Lemmyn yth yw breus an bys ma, lemmyn y fydh pryns an bys ma tewlys yn-mes.

Oberow 17:18

Mes re a'n filosoforyon Epikurek ha Stoik a geskewsi ganso, ha re a leveris, ‘Pandr'a vynn an klappyer diskians ma dhe leverel?’ Hag yn-medh re erell, ‘Dell hevel, pregowther a dhywolow astranj yw ev’; rag ev dhe bregoth Yesu ha'n dasserghyans.

Romanyon 1:20

Rag y gnas na veu gwelys a-dhia greasyon an bys, hemm yw y alloes heb finweth ha'y dhuwsys, re beu gwelys yn tiblans der an taklow gwrys. Ytho heb askus yns;

Romanyon 1:22

Owth omwul fur, gyllys foll ens,

1 Korinthianys 1:19

Rag skrifys yw, ‘My a wra distrui skentoleth an dus skentel, ha skians an dus fur my a wra y lettya.’

1 Korinthianys 1:26

Prederewgh a'gas galow agas honan, breder: nyns o nameur ahanowgh skentel war-lergh savonow mab-den, nyns o nameur galloesek, nyns o nameur genys a'n goes ughel,

1 Korinthianys 1:27

mes Duw a dhewisas an traow yw foll y'n bys rag tyli moethow war an dus skentel; Duw a dhewisas an traow yw gwann y'n bys rag gul bismer dhe'n re grev;

1 Korinthianys 1:28

Duw a dhewisas an traow isel ha dispresys y'n bys, an re nag yw travyth, may tefentya taklow hag yw neppyth,

1 Korinthianys 11:32

mes pan on ni breusys gans an Arloedh, keskys on ma na vyn ni dampnys war-barth ha'n bys.

1 Korinthianys 2:6

Hwath yn mysk an re adhves ni a gews skentoleth, kyn nag yw skentoleth a'n oes ma po a rewlysi a'n oes ma, neb a dremen dhe-ves.

1 Korinthianys 2:8

Nagonan a rewlysi an oes ma ny gonvedhas hemma; rag mar konvetthens, ny growssens an Arloedh a wormola.

1 Korinthianys 3:18

Na omdoelles denvyth; nebonan ahanowgh mar tesev y vos skentel y'n oes ma, des ha bos foll, may teffo ha bos skentel.

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

1 Korinthianys 6:2

A ny wodhowgh hwi y hwra an syns breusi an bys? Ha mars yw an bys dhe vos breusys genowgh hwi, owgh hwi anwiw dhe vreusi maters byghan?

Jamys 4:4

A avoutresow! A ny wodhowgh hwi kerensa an bys dhe vos eskarogeth erbynn Duw? Piwpynag a vynno bos koweth an bys a omwra eskar Duw.