1 Korinthianys 1:18 - An Bibel Kernewek 20234 (Kernewek Kemmyn)

¹⁸ Rag an ger a-dro dhe'n grows yw follneth dhe'n re usi ow mos dhe goll, mes dhyn nyni usi ow pos selwys, nerth Duw yth ywa.

1 Korinthianys 1:18 ပူးပေါင်းရင်းမြစ်များ

Oberow 13:41

“Mirewgh, hwi neb a wra ges, kemmerewgh marth, ha kewgh dhe goll, rag yn agas dydhyow my a wra ober, ober kammenn na grysowgh mara'n deriv nebonan dhywgh.” ’

Oberow 17:18

Mes re a'n filosoforyon Epikurek ha Stoik a geskewsi ganso, ha re a leveris, ‘Pandr'a vynn an klappyer diskians ma dhe leverel?’ Hag yn-medh re erell, ‘Dell hevel, pregowther a dhywolow astranj yw ev’; rag ev dhe bregoth Yesu ha'n dasserghyans.

Oberow 17:32

Pan glewsons a dhasserghyans an re varow, re a skornyas, mes re erell a leveris, ‘Ni a vynn goslowes orthis arta a-dro dhe hemma.’

Oberow 2:47

ow kormel Duw hag ow kavoes bodh da an bobel oll. Ha pub dydh an Arloedh a geworra dh'aga somm an re o selwys.

Romanyon 1:16

Rag ny'm beus meth a'n aweyl: galloes Duw dhe selwel yw hi dhe geniver a grys, dhe'n Yedhow yn kynsa ha dhe'n Grek keffrys.

1 Korinthianys 1:21

Rag yn skentoleth Duw, a-ban na wrug an bys aswonn Duw dre skentoleth, Duw a veu plesys, dre follneth an pyth a veu pregewthys, dhe selwel an re a grys.

1 Korinthianys 15:2

keffrys mayth owgh selwys dredhi, mar synsowgh yn fast an ger a bregewthis dhywgh, marnas yn euver y kryssowgh.

1 Korinthianys 2:14

Den anspyrysel ny dhegemmer traow an Spyrys, rag dhodho follneth yth yns i, ha ny yll ev aga honvedhes, drefenn aga bos aswonnys dre spyrys.

1 Korinthianys 2:2

Rag my a erviras na wodhyen travyth yn agas mysk marnas Yesu Krist hag ev krowsys.

1 Korinthianys 3:19

Rag skentoleth an bys ma yw follneth gans Duw. Rag skrifys yw, ‘Ev a vagel an dus skentel yn aga felder’,

1 Korinthianys 4:10

Fellyon rag Krist yth on ni, mes skentel yn Krist yth owgh hwi; gwann yth on ni, mes krev yth owgh hwi; yn enor yth owgh hwi synsys, mes disenorys yth on ni.

2 Korinthianys 10:4

rag arvow agan gwerryans nyns yns a'n kig mes yma dhedha nerth Duw dhe dhomhwel kastylli, ow tomhwel dadhlow

2 Korinthianys 4:3

Mes yn hwir mars yw kudhys agan aweyl, kudhys yw rag an re usi ow mos dhe goll.

1 Thessalonianys 1:5

rag ny dheuth agan aweyl dhywgh hwi yn lavar yn unnsel, mes ynwedh yn nerth hag y'n Spyrys Sans, ha gans meur a surheans, dell wodhowgh py par tus en ni yn agas mysk, rag agas les.

2 Thessalonianys 2:10

ha gans pub toell a anewnder troha'n re usi ow mos dhe goll, rag ny dhegemmersons kerensa an gwir, may fens selwys.

Ebrowyon 12:2

ow mires war-tu ha Yesu, awtour ha perfydhder agan fydh, rag an lowender settys a-ragdho ev neb a borthas an grows, ow tispresya an meth, ha neb re esedhas orth leuv dhyghow tron Duw.

Ebrowyon 4:12

Rag ger Duw yw effeythus ha lymma ages pub kledha dewvinyek, ow kwana erna ranno enev ha spyrys, mellow ha mer, hag a yll breusi tybyansow ha mynnas an golonn.