1 Korinthianys 1:17 - An Bibel Kernewek 20234 (Kernewek Kemmyn)

¹⁷ Rag Krist ny'm dannvonas rag besydhya mes rag aweyla, – ha henna heb skentoleth freth, ma na vo krows Krist gwakhes a'y nerth.

1 Korinthianys 1:17 ပူးပေါင်းရင်းမြစ်များ

Yowann 4:1

Rakhenna pan wodhva Yesu y klewsa an Fariseow Yesu dhe wul ha dhe vesydhya moy dyskyblon es dell wrug Yowann

Yowann 4:2

(kyn na wrug Yesu y honan besydhya, mes y dhyskyblon),

Oberow 10:48

Hag ev a erghis may fens i besydhys yn hanow Yesu Krist. Ena i a'n pysis a wortos niver a dhydhyow.

1 Korinthianys 2:1

Pan dheuth vy dhywgh, breder, ny dheuth ow terivas dustuni Duw nag yn geryow ughel nag yn skentoleth ughel.

1 Korinthianys 2:13

A-dro dhe'n re ma, ytho, ni a gews yn lavarow nag yw dyskys dre skentoleth mab-den, mes dyskys gans an Spyrys, ow styrya traow spyrysel dhe'n re yw spyrysel.

2 Korinthianys 1:12

Lemmyn, hemm yw agan bost, dustuni agan kowses, ni dhe omdhegi y'n bys yn sempledh ha gwiryonsys Duw, heb skentoleth an kig mes dre ras Duw, ha dres oll orthowgh hwi.

2 Korinthianys 10:10

Y leverir gans nebonan, ‘Yn tevri, poesek ha krev yw y lytherow, mes yn agan mysk gwann yw y gorf, ha'y gows y hyllir y dhispresya.’

2 Korinthianys 11:6

Mes mars ov vy yn hwir heb sleyghneth owth arethya, nyns ov vy yndella yn godhvos, hag yn pub fordh ni re wrug henna fest apert dhywgh.

2 Korinthianys 4:2

mes ni re hepkorras traow kevrinek ha divlas; ny wren ni gul devnydh a felder, na gul kamm ger Duw, mes dre dhiskwedhyans a'n gwiryonedh ni a omgommend dhe gowses pub huni dherag Duw.

2 Peder 1:16

Ny siwsen hwedhlow gwrys yn konnyk ha ny ow terivas dhywgh galloes ha devedhyans agan Arloedh Yesu Krist, mes ny re welas y vraster gans agan dewlagas ni.