1 Korinthianys 1:11 - An Bibel Kernewek 20234 (Kernewek Kemmyn)

¹¹ Rag y feu derivys dhymm gans tus Kloe, bos strifow yntredhowgh, ow breder.

1 Korinthianys 1:11 ပူးပေါင်းရင်းမြစ်များ

Jenesis 27:42

Ha derivys veu geryow hy mab kottha dhe Rebeka ha hi a dhannvonas ha gelwel Yakob hy mab yowynka ha leverel dhodho, ‘Otta, yma dha vroder Esaw owth omgonfortya, ow prasa dhe'th ladha.

Jenesis 37:2

An re ma yw henedhow Yakob: Yosep, seytek bloedh y oes, esa ow peuri an flokk gans y vreder; maw ova, gans mebyon Bilha ha gans mebyon Zilpa, gwragedh y das; ha Yosep a dhros drog dherivas anedha dh'aga thas.

Lavarow Koth 13:10

Dre donteth ny dheu saw strif, mes gans an re hag a woslow orth kusul yma furneth.

Lavarow Koth 18:6

Diwweus foll a dhre strif, ha'y anow a elow rag skorjya.

1 Korinthianys 1:10

My a'gas pys, breder, dre hanow agan Arloedh Yesu Krist, may leverrowgh an keth tra, na vo folsyow vyth yn agas mysk, mes may fowgh hwi kesunys y'n keth brys hag y'n keth kowses.

1 Korinthianys 1:12

An pyth a vynnav dhe styrya yw hemma: pub huni ahanowgh a lever ‘Dhe Powl yth ov evy’, po ‘Dhe Apollos yth ov evy’, po ‘Dhe Kefas yth ov evy’, po ‘Dhe Grist yth ov evy.’

1 Korinthianys 11:18

Kynsa, pan omguntellowgh yn eglos, my a glew bos folsyow yntredhowgh hag yn rann my a'n krys.

1 Korinthianys 3:3

rag hwath a'n kig yth owgh. Rag a-ban eus avi ha kedrynn yn agas mysk, a nyns owgh hwi a'n kig, hag a nyns esowgh hwi owth omdhegi kepar ha tus kemmyn?

2 Korinthianys 12:20

Own a'm beus a gavoes, pan dhov, nag owgh hwi par dell vynnav vy, hag ow bos vy kevys genowgh par dell na vynnowgh hwi. Own a'm beus a strivyans, avi, sorr, kedrynnansow, sklanderyow, drokhwystrennow, goeth, derays;

Galatianys 5:15

Mar kwrewgh bratha ha lenki an eyl y gila bedhewgh war ma na vowgh konsumys an eyl gans y gila.

Galatianys 5:20

gordhyans idolys, pystri, kas, strif, envi, sorr, strif, fowt akord, eresys,

Galatianys 5:26

Na vedhen goethus, ow serri an eyl y gila, ow perthi avi an eyl a'y gila.

Filippianys 2:14

Gwrewgh pup-tra heb krodhvolas na disputya,

1 Timothi 6:4

yw goethus, heb konvedhes travyth, mes yma dhodho hwans anyagh dhe dhadhlow ha dhe dhisputyansow a-dro dhe eryow. Dhiworth an taklow ma y teu avi, strivyans, kabel, gogrysyow drog,

Titus 3:9

Mes skon hwithransow gokki, aghskrifow, strifow hag omladhow a-dro dhe'n lagha, rag heb les hag euver yns i.