Zekaria 7:3 - The Holy Bible In Alur (Lur) Revised Orthography

³ man kara giwec ku julam mi ot pa Yehova mir udul, man ku jubila, giwac kumae, Maku aywak i dwi mir abije, m’akoira ko gira, calu abedatimo i rundi dupa maeni?

Zekaria 7:3 ပူးပေါင်းရင်းမြစ်များ

Ezra 3:10

Man ka jugom giguro the hekalu pa Yehova, giketho julam ukendo kendi migi man gibedo kud agwara, man Julawi ma wot Asaf kud umbukulumbu, kara gipak Yehova, calu Daudi m’ubimo mir Israel uketho.

Eklizia 3:4

nindo mi ywak, man nindo mi ng’iero; nindo mi nduru, man nindo mi miel;

Hoseya 4:6

Dhanu para ginyothri kum ng’eyong’ec m’urem: kum ikwero ng’eyong’ec, an bende abikweri, kara kud ibed jalam ira: kum wii wil kum cik pa Mungu peri, an bende wia biwil kum nyithindho peri.

Yoel 2:17

Wek julam, ma jutim tim pa Yehova, giywak kind pondot ku pemblam, man wek giwac kumae, Wek dhanu peri, E Yehova, man kud imi camupacu peri ni cac, kara thek ubim wigi: nedi giwac i kind kodhidhanu kumae, Mungu migi ni kani?

Hagai 2:11

Yehova mir udul uwacu kumae: Kawono penj julam pi cik, wac kumae,

Zekaria 7:4

Lembe pa Yehova mir udul ulund ubino i bang’a, m’uwacu kumae,

Zekaria 7:5

Wac ni dhanu ceke m’i ng’om, man ni julam, wac kumae, Ka wuweko cam wuywak de i dwi mir abije man i dwi mir abirone, cil rundi pier abiro maeni, wukwiro cam ira pi gin moko, cil ira?

Zekaria 8:19

Yehova mir udul uwacu kumae, Wekocam mi dwi mir ang’wende, man wekocam mir abije, man wekocam mir abirone, man wekocam mir apaje, bibedo ni anyong’a ku mutoro, man agba mir anyong’a ni ot mi Yuda; ka kumeno wumar lemandha ku kwiocwiny.

Malaki 2:7

Kum maku dendhu jalam ugwok ng’eyong’ec, man maku giyeny cik i dhoge; kum en e jakwenda pa Yehova mir udul.

Matayo 9:15

Yesu wacu igi kumae, Juwagi won ambadha can copo negogi, ma fodi ginuti giku won ambadhagi? ento ceng’ biwok, ka jubikabu won ambadha woko kud i bang’gi, ka gibilund weko cam.

1 Jukorinto 7:5

Kud wukwer ribru karacelo, ma tek wukuripo pire ngo mi nindo moko, kara wumiru giwu ni rwo, e ka wudong’ wubed karacelo kendo, kara Jok kud ubidhwu ku lembe mi dhiro wi kum ungo.

Poi Mi Cik 33:10

Gibiponjo Yakobo ku lembapoka peri, Man Israel ku cik peri: Gibiketho udok ma ng’wice ng’ar i weng’i, Ku lam m’awang’a ma dho wi pemblam peri,