Zekaria 1:3 - The Holy Bible In Alur (Lur) Revised Orthography

³ Ka kumeno wac igi kumae, Yehova mir udul uwacu kumae: Wudwog i bang’a, Yehova mir udul uwacu, e abidwogo i beng’wu, Yehova mir udul uwacu.

Zekaria 1:3 ပူးပေါင်းရင်းမြစ်များ

2 Lemkei 15:2

man ewok woko kara eromb kud Asa, man ewacu ire kumae, Koiwinja, Asa ku Yuda ceke man Benyamin: Yehova ni kudu, kinde ma wuni kude; man tek wuyenye, ebinwangre iwu; ento tek wuweke, ebiwekowu.

2 Lemkei 15:4

ento i kinde mi can migi gilokri ba Yehova, Mungu mir Israel, man giyenye, enwangre igi.

Nehemia 9:28

Ento yo ng’ei yom migi, gidubo kendo i weng’i; ka kumeno iwekogi i cing’ jukwojgi, kara gibed ku bim i wigi: ento ka gidwogo, giywak de i beng’i, iwinjo kud i polo; e ibodhogi wang’ udul calku kisa peri,

Kitabu Pa Yob 22:23

Tek idwogo ba Jategokpo, ibigombri, Tek icoro gondri bor cen kud i hema peri.

Isaya 31:6

Wulokru ba ng’atu ma wujai dit ire, E nyithindho mir Israel.

Isaya 44:22

Araco gondri peri woko, calu afuru ma ndhu, man dubo peri, calu afuru: dwog i bang’a; kum aweri.

Yeremia 12:15

Man ebitimbre, yo ng’ei fudhogi m’afudhogi woko, abidwogo man ngisi binega i kumgi; e abikelogi kendo, ku ba dhanu ku ba dhanu ng’atuman bang’ aba pare, man ku ba dhanu ku ba dhanu n’gatuman ba ng’om pare.

Yeremia 25:5

ma giwacu kumae, Wudwog kawono kubeng’wu kubeng’wu ng’atuman kud i yo pare ma rac, man ku ba giratima mu ma rac, man wubed i ng’om ma Yehova mio iwu man ni kwaruwu, ugambre con cil nja de;

Yeremia 3:1

Giwacu kumae, Tek ng’atu moko eoro dhaku pare cen, man eai i bang’e, edoko pa ng’atu mange de, ebidwogo ba dhakune kendo? ng’om maeno bicido dit ungo? Ento itimo tarwang’ ku jumer dupa; kadok kumeni dwog i bang’a asu, Yehova wacu.

Yeremia 3:22

Wulokru, wu nyithindho m’ucoro cen, abicangu corocen mu. Nen, wabino i beng’i; kum in i Yehova Mungu mwa.

Yeremia 35:15

Aoro jutic para ceke ma jubila bende i beng’wu, m’aai ko pir man aorogi, m’a wacu kumae, Kawono wudwogi ku ba dhanu ku ba dhanu ng’atuman kud i yo pare ma rac, man wuyik giratima mu, man kud wulub tok mungu mange nia wutim igi, e wubibedo i ng’om m’amio iwu man ni kwaruwu; ento wuciko ithwu ngo, kadi wuwinjo dwanda de ngo.

Yeremia 4:1

Tek ibidwogo, E Israel, Yehova wacu, tek ibidwogo i bang’a, man tek ibicoro ginmajudagu peri kud i wang’a; jubilund dakuwu ngo;

Ezekiel 18:19

Ento wuwacu kumae, Pirang’o wod uyeyo kier pa won ungo? Kinde ma wod utimo gin ma cik uyio m’atira de, man eworo cik para ceke, m’etimogi de, ebikwo andha.

Ezekiel 18:31

Wubai dubo mu ceke cen kud i kumwu, ma wudubo i ie; man wutim adunde ma nyen iwu ku tipo ma nyen: kum wubitho nedi, E ot mir Israel?

Ezekiel 18:32

Kum anyong’a nega ngo kum tho pa ng’atu m’utho, Rwoth Yehova wacu: kum kumeno wulokru giwu, man wubed kwo.

Ezekiel 33:11

Wac igi kumae, Calu abedo kwo, Rwoth Yehova wacu, anyong’a nega ngo kum tho pa jadubo; ento ya jadubo lokre kud i yo pare man ebed kwo: wulokru, wulokru kud i yo mu ma rac; kum wubitho nedi, E ot mir Israeli?

Hoseya 14:1

E Israel, dwog ba Yehova Mungu peri; kum ipodho kum kier peri.

Hoseya 14:4

Abicangu dokcen migi, abimarugi k’abamba; kum ng’ecwiny para lokre woko kud i bang’e.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Yoel 2:12

Ento cil kawono, Yehova wacu, wulokru i bang’a kud adundewu ceke, man ku wekocam, man ku ywak, ku goyonduru de:

Malaki 3:7

Ugambre i ceng’ pa kwaruwu wulokru ku kum lembapoka para, man wuwor ogi ngo. Wudwog i bang’a, e abidwogo i beng’wu, Yehova mir udul uwacu. Ento wuwacu kumae, Wadwog i beng’i i gin ma kani?