Zefania 2:9 - The Holy Bible In Alur (Lur) Revised Orthography

⁹ Ka kumeno calu abedo kwo, Yehova mir udul uwacu, Mungu mir Israel, Andha Moab bibedo calu Sodom, man nyithindho mir Amon calu Gomora, piny mir ayilayila, man longro mi kadu, man uvuru ma nja: dong’ dhanu para ma bidong’ gibidwokogi ni amaci, man dong’ thek para bicamu pacu i wigi.

Zefania 2:9 ပူးပေါင်းရင်းမြစ်များ

Isaya 11:14

Man gibikonjri piny wi gok Jufilisti yo reto; e gibinyotho nyithindho ma yo nyangu karacelo: gibirieyo cing’gi wi Edom ku Moab; man nyithindho mir Amon biworogi.

Poi Mi Cik 29:23

man nia ng’ombe dho en e muganga, ku kadu, man girawang’a, nia jucoye ngo, kadi ecego nyinge de ngo, kadi lum moko de dongo i ie ngo, calu redh mi Sodom ku Gomora, man Adma ku Zeboim, ma Yehova redho ni kum ng’ecwiny pare, man ni kum kwinyo pare:

Isaya 25:10

Kum cing’ Yehova biyom i got maeni; man jubinyono Moab piny i kakare, cil calu junyono soka i pi mir udhuru mi weyo.

Yeremia 50:40

Calu ka Mungu ng’ielo Sodom ku Gomora kud adhura ma ceng’ni kugi, Yehova wacu, e ng’atu moko mbe ma bibedo kuca kumeca, kadok wod dhanu moko de bibedo ngo i ie ni umondo.

Yeremia 48:1

Lembe mi Moab. Yehova mir udul, Mungu mir Israel, uwacu kumae, Can wi Nebo! kum judwoke ni uvuru; Kiriathaim junyayu lewic i wie, jumake; junyayu lewic wi Misgab man jurwombe piny.

Isaya 49:18

Ting’ weng’i gbur, man inen: maeni ceke cokri gigi karacelo, man gibino i beng’i. Calu abedo kwo, Yehova wacu, ibironjri andha kugi ceke calu ku jambruko, man ibitwiri kugi, calu mugole.

Jurumi 14:11

Kum egore kumae, Calu abedo, Rwoth uwacu, cong ceke kubang’e kubang’e birum ira, Man leb ceke kubang’e kubang’e bipaku Mungu.

Zefania 3:13

Dong Israel bidubo ngo, kadi ndra de gibiyero ngo; kadok leb mir abombi de binwangre i dhoggi ngo; kum gibicamu man gibivuto piny, man ng’atu moko mbe ma binyayu lworo i igi.

Zefania 2:14

Man udul lim bivuto i dierene, yedi ceke mi thek: alungu ku ceu gibigonjo i wie; dwandgi biwer i wang’ot; uvuru bibedo nuti dhugola: kum eyabu tic mi musonge.

Zefania 2:7

Man dhu wath bibedo ni dong’ dhanu mi ot pa Yuda; gibikwayu udul rombe migi keca; gibivuto uthieno i udi mi Ackelon; kum Yehova Mungu migi biliewogi, man ebidwoko ng’eca migi.

Amos 1:13

Yehova wacu kumae: Mi gondri adek mi nyithindho mir Amon, eyo, mir ang’wen, abiloko masendine cen ungo; kum giriedo i mon mi Gilead ma igi nuti, kara gimed kieu migi.

Yeremia 49:18

Calu i ng’iel mi Sodom ku Gomora man adhura ma ceng’ni kude, Yehova wacu, ng’atu moko mbe ma bibedo i ie, kadok wod dhanu moko de bibedo ni umondo ngo i ie.

Yeremia 46:18

Ubimo, ma nyinge Yehova mir udul, uwacu kumae, Calu abedo kwo, andha calu Tabor i kind gudi, man calu Karmel dhu nam, ebibino kumeca.

Kitabu Mir Ang’wende Pa Musa Wel 14:21

ento andha, calu abedo kwo, man calu ng’om yu bipong’ ku dwpng’ pa Yehova;

Yeremia 49:1

Lembe mi nyithindho mir Amon. Yehova wacu kumae: Wod Israel umbe? jamakpiny pare mbe? ka kumeno nedi Malkam umwonyo Gad, man dhanu pare bedo i adhurane?

Yeremia 49:33

Man Hazor bidoko ni kabedo mir utho, uvuru mi nja: ng’atu moko mbe ma bibedo kuca, kadok wod dhanu moko de bibedo ngo i ie ni umondo.

Amos 2:1

Yehova wacu kumae: Mi gondri adek mi Moab, eyo, mir ang’wen, abiloko masendine cen ungo; kum ewang’u cogo mir ubimo mir Edom udoko ni nunu.

Poi Mi Cik 29:22

E dhanum’utuk m’ubino, en e nyithindho mu ma biai yo ng’eiwu, ku jawirok ma biai i ng’om ma ngbir, biwacu kumae, kinde ma gibineno masendi mi ng’om maeno, ku tho ma Yehova ketho ebedo ko lith;

Zekaria 2:13

Kum ceke, wubed ling’ i wang’ Yehova; kum eceu kud i kabedo pare ma leng’.