Zefania 2:3 - The Holy Bible In Alur (Lur) Revised Orthography

³ Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

Zefania 2:3 ပူးပေါင်းရင်းမြစ်များ

2 Samwil 12:22

Man ewacu kumae, Kinde ma fodi nyathin ubedo kwo, akwiro cam man aywak: kum awacu kumae, Ng’a m’ung’eyo kuno nyo kisa binego Yehova i kuma, kara nyathin ubed kwo?

Zaburi 105:4

Wuyeny Yehova ku tego pare; Wuyeny wang’e thiri thiri;

Zaburi 149:4

Kum anyong’a nego Yehova kum dhanu pare: Ebiruko ju ma mol ku both.

Zaburi 22:26

Ju ma mol gibicamu man gibiyeng’; Gibipaku Yehova gi ju ma giyenye: Wek adundeni bed kwo mi nja.

Zaburi 31:20

E ibipanugi i kapondo mi weng’i ni lembapora ma rac mi dhanu: Ibigwokogi ling’ i hema ni piem mi leb.

Zaburi 45:4

Man iwoth miero i dwong’ peri, Kum lemandha ku bedomol man bedopwe: Man cingi ma yor acwic biponji ku gin ma ng’oyo ndiri.

Zaburi 57:1

Bed ku kisa i kuma, E Mungu, bed i ku kisa i kuma; Kum ng’eyong’ec para pondo i beng’i: Eyo, abipondo i tipopiny mi bombi, Cil ma lem ma rac maeni thum ko.

Zaburi 76:9

Kinde ma Mungu ai kum pokolembe, Kara ebodh ju ma mol ceke mi ng’om. [Sela.

Zaburi 91:1

Ng’atu m’ubedo i kapondo pa Ng’atu ma Malu Ngbir Bibedo i tipopiny pa ng’atu ma Jategokpo.

Ai 12:27

Pa wubiwacu, En e lam mi kadhukuwijo pa Yehova, m’ukadhu ku wi udi mi nyithindho mir Israel i Misiri, kinde m’egoyo Jumisiri, man ebodho udi mwa. E dhanu gikulo wigi man girwo.

Lembrieko 18:10

Nying’ Yehova en e ot ma tek ma wiu; Won bedopwe ringo i ie, e ebedo museme.

Isaya 1:17

wuponj ng’eyo timo ber; wuyeny pokolembe, wukony ju ma jusendo, wupok lembe mi kic, wucung kum dhaku ma cware tho.

Isaya 11:4

ento ebipoko lembe mi jucan ku bedopwe, man ebijuko ju ma mol m’i ng’om de ku bedopwe; e ebigoyo ng’om ku dul mi dhoge; man ebinego judubo ku yuyo mi dendhoge.

Isaya 61:1

Tipo pa Rwoth Yehova ni i wia; kum Yehova wira kara ayer rwonglembe ma ber ni ju ma mol; eora kara acang cwiny ju m’utur, kara ayer pi gony ni ng’eca, man pi yabu dhu kol ni ju ma jutwio;

Yeremia 39:18

Kum abibodhi andha, man ibipodho ngo ku palamularu, ento kwo peri bibedo iri ni amaci; kum iketho genogen peri i kuma, Yehova wacu.

Yeremia 45:5

Man iyenyo gin ma dit iri giri? kud iyenygi; kum, nen, abikelo lem ma rac wi weg kum ceke, Yehova wacu; kum abimio kwo peri ni amaci i kaka ceke m’icidho i ie.

Ezekiel 13:5

Wuidho malu i ka m’umor ungo, kadi wugomo gang’kidi mi ot mir Israel de ngo, kara gicung i lwiny i ceng’ pa Yehova.

Hoseya 10:12

Wucoi iwu giwu i bedopwe, wukai calku kisa; wufur ng’om mu ma wuweko; kum en e nindo ma juyenyo ie Yehova, maram ebino ko ekonjo bedopwe de i wiwu.

Hoseya 7:10

Man kuhaya mir Israel utuco i wang’e: ento gidwogo ba Yehova Mungu migi ngo, kadi giyenye de ngo, kum gin maeni ceke.

Yona 3:9

Ng’a m’ung’eyo tek Mungu bilokre ngo, biloko cwinye de, biweko lak kwinyo pare woko kara ku warwinyi?

Zekaria 8:19

Yehova mir udul uwacu kumae, Wekocam mi dwi mir ang’wende, man wekocam mir abije, man wekocam mir abirone, man wekocam mir apaje, bibedo ni anyong’a ku mutoro, man agba mir anyong’a ni ot mi Yuda; ka kumeno wumar lemandha ku kwiocwiny.

Matayo 5:5

Mugisa ni ju m’ubedo mol: kum ng’om bidoko aba migi.

1 Jutesaloniki 4:1

Aha a, umego, wakwayuwu man wajukowu i Rwoth Yesu, nia, calu wujolo i bang’wa maram maku wuwoth ko wunyai ko mutoro i Mungu, cil calu wubewotho, kara wusegru kendo kendo.

1 Jutesaloniki 4:10

kum wutime andha ni umego ceke ma gini i Makedoni ngung’. Ento wajukowu, umego, kara wusegru asaga;

1 Petro 1:22

Kum wudaru dwoko adundewu leng’ i woro mu ma ba lemandha ni mer mir umego ma abombi mbe i ie, dong’ wumeru k’amora ku i adunde:

1 Petro 3:4

endre dong’ ebed ng’atu m’ukandre mir adunde, i kendi ma nyothre ngo mi cwiny ma mol ku ma yo de, ma wel pinje dit i wang’ Mungu.

2 Petro 3:18

Ento wudong i bero ku ng’eyong’ec pa Rwoth mwa man Jalar Yesu Kristu. Dwong’ ubed ire kawono man rondo ku rondo. Amen.