Zefania 2:2 - The Holy Bible In Alur (Lur) Revised Orthography

² ma fodi cik kupong’ ungo, ma fodi ceng’ kukadhu calu cung’ ungo, ma fodi ng’ecwiny ma lake tek pa Yehova kuwok ungo i wiwu, ma fodi ceng’ mi ng’ecwiny pa Yehova kuwok ungo i wiwu.

Zefania 2:2 ပူးပေါင်းရင်းမြစ်များ

Kitabu Pa Yob 21:18

Ma nia gi calu soka i wang’ yamu, Man calu cung’ ma wavuvu leko woko?

Zaburi 1:4

Judubo bedo kumeno ngo, Ento gi calu cung’ ma yamu duny ko.

Zaburi 2:12

Wucwi limb wod, ng’ecwiny umaru nege, man wunyothru i yo, Kum kwinyo pare dhingo opo. Mugisa ni dhanu ceke m’upondo i bang’e.

Zaburi 50:22

Kawono iwu pid pi maeni, wu ju ma wiwu wil kum Mungu, Amaru yecowu nziki nziki, man ng’atu moko mbe ma bodho:

Isaya 17:13

Thek bicore calu cori mi pi dupa: ento ebijukogi, man gibiringo bor cen, man jubiriemogi calu cung’ mi gudi i wang’ yamu, man calu utur mir atido i wang’ wavuvu.

Yeremia 23:20

Ng’ecwiny pa Yehova bidwogo ngo, maram etimo ko, man maram edaru ko lembakece mir adundene: i nindo ma cen wubing’eyo there cu.

Yeremia 4:4

Wutim yaa i kumwu giwu ni Yehova, man wukab dendkum mi kumwu cen ku i adundewu, wu dhanu mi Yuda man ju m’ubedo i Yerusalem; kwinyo para maru wok woko calu mac, man emaru wang’ ketho nia ng’atu moko copo nege ngo, kum dubo mi giratima mu.

Ywak 4:11

Yehova daru kwinyo pare, ekonjo ng’ecwiny pare ma lake tek woko, Man ecwinyo mac i Sayuni, m’uwang’u there.

Ezekiel 12:25

Kum an a Yehova; abiyero, man lembe m’abiyero bitimbre; jubicore cen kendo ngo: kum i nindo mu, E ot mi jai, abiyero lembene, man abitime, Rwoth Yehova wacu.

Hoseya 13:3

Ka kumeno gibibedo calu afuru mi kugweno, man calu thoi ma oi pir kugweno, calu cung’ ma duny kud atido ku wi lela mi fodo cam, man calu yiro ku dhu kendo.

Nahum 1:6

Ng’a ma copo cungo nyim ng’ecwiny pare? ng’a ma copo bedo i lak ng’ecwiny pare? kwinyo pare konjre woko pami mac, man cana ng’eny kude.

Zefania 1:18

Kadok mola ma tar migi kadi mola ma kwar migi bicopo bodhogi ngo i ceng’ mi kwinyo pa Yehova; ento ng’om dho biwang’ ku mac mi ngiri pare: kum ebijigo, eyo, ebijigo ku ndiri, dhanu ceke m’ubedo i ng’om.

Zefania 3:8

Ka kumeno wukura, Yehova wacu, cil i ceng’ m’abiai malu i ie ni amaci; kum aketho cwinya kum coko thek karacelo, kara acok ker karacelo, kara akonj ng’ecwiny para i wigi, cil ng’ecwiny para ceke ma lake tek; kum ng’om ceke biwang’ ku mac mi ngiri para.

Matayo 24:35

Polo ku ng’om bikadhu woko, ento lembe para bikadhu woko ngo.