Zaburi 69:2 - The Holy Bible In Alur (Lur) Revised Orthography

² Amwony i codho ma thuth, ka ma kacungo mbe: Awok i pi ma thuth, ka ma pi m’ucore uma i ie.

Zaburi 69:2 ပူးပေါင်းရင်းမြစ်များ

Zaburi 40:2

Eting’a kud i vur mi nyoth, kud i ulobo mi codho; Man eketho tienda wi cana, man eketho woth para cungo.

Matayo 7:25

koth de cwi, pi ma dit de coro ng’om, yamu de koto, e gidhongo ot maeno; ento epodho ngo: kum jugome wi cana.

Yeremia 38:6

Gilund gimaku Yeremia, man gibaye i vur pa Malkia ma wod ubimo, ma ni i lelagang’ mi jukur: e giluro Yeremia ku thol. Man pi mbe i vuje, ento unzabu; e Yeremia loro piny i unzabu.

Zaburi 32:6

Pi maeni wek dhanu ceke ma ayi Mu ngu ni kumgi girwo i beng’i i nindo ma junweng’i i ie: Andha kinde ma pi ma dit ucore piny gibitundo i bang’e ngo.

Yeremia 38:22

Nen, mon ceke m’udong’ i ot p’ubimo mi Yuda jubiwodho woko ba judongomawijo p’ubimo mi Babeli, e mon maeno biwacu kumae, Jurimbi m’ing’io kugi gibombi, man gisegi: kawono kinde ma tiendi mwony i unzabu, gilokri cen.

Kitabu Pa Yob 22:11

Kadi mudho, kara kud inen piny, Man pi dupa umi.

Yona 2:6

Aloro piny the gudi; Ng’om kud ukol pare giciko bang’a nja: Ento iting’o kwo para malu kud i vur, E Yehova Munguna.