Ywak 5:1 - The Holy Bible In Alur (Lur) Revised Orthography

¹ Poi, E Yehova, pi gin m’uwok i kumwa: Ng’i man inen cac mwa.

Ywak 5:1 ပူးပေါင်းရင်းမြစ်များ

Nehemia 1:3

E giwacu ira kumae, Dong’ dhanu m’udong’ mi ng’eca kuca i ng’etker gini i masendi ma dit man cac: gang’kidi mi Yerusalem bende jurwombo piny, man dhugang’ne de juwang’u ku mac.

Nehemia 1:8

Poi, akwei, pi lembe m’ing’olo ni jatic peri Musa, m’iwacu kumae, Tek wukier, abilaluwu mba mba i kind kodhidhanu:

Nehemia 4:4

Winji, E Mungu mwa; kum jucayuwa: man ilok cac migi dok i wigi gigi, man iwodhgi ni ayeki i ng’om mi ng’eca;

Kitabu Pa Yob 10:9

Poi, akwei, nia ing’ina calu ulobo; Man ibitera i utur kendo?

Kitabu Pa Yob 7:7

A poi nia kwo para en e yuyo: Wang’a bineno gin ma ber kendo ngo.

Zaburi 119:153

Par pi masendi para, man ibodha; Kum wia wil ungo kum cik peri,

Zaburi 74:18

Poi kum maeni, nia jadegi cayu cac, E Yehova, Man nia dhanu ma kitgi mbe gicido nyingi.

Zaburi 79:12

Man icul kum judhugola mwa wang’ abiro i korgi Cac migi, ma gicei ko, E Rwoth.

Zaburi 79:4

Wadoko ni cac ni judhugola mwa, Cac ku ng’iero ni ju m’utiekowa.

Isaya 62:6

Aketho jukur wi gang’kidi peri, E Yerusalem; gibibedo ling’ ungo ku dieceng’ kadi ku diewor: wun ma wu weg poi pa Yehova, kud wuyom,

Yeremia 15:15

E Yehova, ing’eyo; poi pira, man iliewa, man icul kwor ira kum jusendna; kud ikaba cen i twiocwiny peri: ng’ei nia anwang’u cac piri.

Yeremia 51:51

Cwinywa ng’abre, kum wawinjo cac; lewic uumo wang’wa, kum juwirok umondo i kamaleng’ mi ot pa Yehova.

Ywak 1:11

Dhanu pare ceke gamu cwinygi, giyenyo kwen; Gimio gin ma ber migi pi cemo kara udwok cwinygi: Nen, E Yehova man ing’i; kum adoko ni gin ma jucayu.

Ywak 1:20

Nen, E Yehova; kum ani i can; adundena ng’abre; Adundena lokre yor i ia; kum ajai rac: Kamange palamularu nego, i pacu lem tho nuti.

Ywak 1:9

Cilo pare ni i kendi pare; epoi ungo kum kajik pare ma cen: Ka kumeno eloro piny ku wang’uic: jajuk pare mbe: E Yehova, nen masendi para; kum jadegi dodre gire.

Ywak 2:15

Dhanu ceke m’ukadhu akadha giteng’o cing’gi iri; Gicwio nya Yerusalem man giyengo wigi ire, giwacu kumae, Maeni adhura ma dhanu lwong’o kumae, Gin ma ndhu cu mi leng’, Anyong’a mi ng’om ngung’i?

Ywak 2:20

Nen, E Yehova, man nen ng’a m’itimo kumeno i kume! Mon bicamu nying’gi, en e nyithindho ma juthang’u i cing’i? Jubinego jalam ku jabila i kamaleng’ pa Rwothi?

Ywak 3:19

Poi kum masendi para ku wundo para, adra kud ulecu.

Ywak 3:50

Maram Yehova bineno ko piny, man enen kud i polo.

Ywak 3:61

Iwinjo cac migi, E Yehova, ku lembrieko migi ceke i kuma,

Habakuk 3:2

E Yehova, awinjo rwongi, man lworo nega: E Yehova, yep tic peri i die rundi; I die rundi keth eng’eire: I kwinyo poi kum kisa.

Luka 23:42

Man ewacu kumae, Yesu, poi pira kan imondo i ker peri.