Ywak 4:7 - The Holy Bible In Alur (Lur) Revised Orthography

⁷ Ju pare m’ung’olo lembang’ola naka gi tar ma sagu pei, gi tar ma sagu cak; Kumgi leng’ ma sagu kidi mi ruko, rieny migi calu kidi m’ulweku.

Ywak 4:7 ပူးပေါင်းရင်းမြစ်များ

Kitabu Pa Yob 28:16

Jucopo poro wel pinje ngo ku mola ma kwar mir Ofir, Ku kidi ma col calu nam ma pire tek, kadi ku kidi ma tek ma ie nen uluga.

Kitabu Pa Yob 28:18

Jubiweco ngo pi kidi ma tar ma the nam kadi pi kidi ma pire tek ma i upal. Eyo, welpiny mi rieko sagu kidi ma kwar ngbo.

Zaburi 144:12

Kinde ma wotwa bibedo calu yen m’udongo i aradu migi, Man nyigwa calu kidi mi gui ma jukaku calu tic mi ot p’ubimo;

Zaburi 51:7

Dwoka leng’ kud alagi, man abibedo leng’: Lwoka, man abibedo tar sagu pei.

Ai 24:10

e gineno Mungu mir Israel; man gin ma tek mi kidi ma tek ma ie nen uluga, ni the tiende, calu polo m’ulero cwe.

Wer Pa Suleman 5:10

Jamerna tar man kwar, E jawipiro i kind rubanga apar.

Wer Pa Suleman 5:15

Tiende calu mbegi mi kidi ma tar ma juketho wi wer mi mola ma kwar ma leng’: Nen pare calu Lebanon, ma ber hai calu musonge.

Daniel 1:15

Man ka ceng’ apar uthum wang’gi nen ber ma sagu, man kumgi cwe ma sagu awobi ceke ma camu cemo p’ubimo.

Luka 1:15

Kum ebibedo dwong’ i wang’ Rwoth, man ebimadhu pigulok kadi giramadha ma mero jo de ngo; man Tipo Maleng’ birome, ugambre kud i min.

Jupoklembe 13:5

kum, nen, ibigamu ii, man ibinyolo nyathin ma nico; man riedi bitundo i wie ki ngo; kum nyathinne bibedo Janaziri ni Mungu ugambre kud i ic: man ebimaku laru Israel kud i cing’ Jufilisti.

Jupoklembe 13:7

ento ewacu ira kumae, Nen, ibigamu ii, man ibinyolo nyathin ma nico; e kawono kud imadh pigulok moko kadi giramadha ma lake tek, man kud icam gin moko m’ucido; kum nyathin bibedo Janaziri ni Mungu ugambre kud i ic cil i ceng’ mi tho pare.

Jupoklembe 16:17

Man eyero ire adundene ceke, man ewacu ire kumae, Riedi foduwok i wia ngo; kum abedo Janaziri ni Mungu ugambre kud i ma: tek jugwaru wia, e tego para biai kud i bang’a, man abidoko ng’ic, man abibedo calu dhanu mange.

1 Samwil 16:12

Man eoro kwenda jugame, jukele juroye. Nwang’u enne e landu, man ayine ber hai, man e ber mir anena. Man Yehova wacu kumae, Ai malu, wire; kum en e en.