Ywak 4:22 - The Holy Bible In Alur (Lur) Revised Orthography

²² Masendi mi kier peri timbre, E nya Sayuni; ebiteri cen i ng’eca kendo ngo: Ebiliewo kier peri, E nyar Edom; ebiyabu dubo peri.

Ywak 4:22 ပူးပေါင်းရင်းမြစ်များ

Zaburi 137:7

E Yehova, poi kum nyithindho mir Edom Ceng’ mi Yerusalem; M’uwacu kumae, Rwombe, rwombe, Cil kum therene.

Isaya 40:2

Wuyer lemjuk ni Yerusalem; wulwong’ i bang’e, nia ali pare thum, nia juweko kier pare, nia ejolo pi dubo pare wang’ ario kud i cing’ Yehova.

Isaya 52:1

Ceu, ceu, rony tegoni, E Sayuni; rony kendi peri ma ber, E Yerusalem: adhura ma leng’; kum ugambre kawono ju ma yaa mbe kugi man m’ucido bimondo ii kendo ngo.

Isaya 60:18

Jubiwinjo pi rop kendo ngo i ng’om peri, kadi uvuru kadi nyoth yor i kieu peri; ento ibilwong’o gang’kidi peri Both, man dhugang’ peri Pak.

Yeremia 32:40

man abitimo lembariba mi nja kugi, nia abilokra cen ungo ku lubogi, m’atim kogi ber; man abiketho lworo para i adundegi, kara ku giweka.

Yeremia 33:7

Man abiketho ng’eca mi Yuda ku ng’eca mir Israel udwogo, man abigomogi, calu ma kwong’a.

Yeremia 33:8

Man abilwokogi ni kier migi ceke, ma gidubo ko ira; man abiweko kier migi ceke, ma gidubo ko ira, man ma gigondri ko ira.

Yeremia 49:10

Ento adwoko Esau muneru, ayabu ka ma mung’ mung’ pare, e ebicopo pondo gire ngo: kodhine nyothre, ku utumin mire, man wat pare; man embe.

Yeremia 50:20

I ceng’ maeca, man i nindo maeca, Yehova wacu, jubiyenyo kier mir Israel, e ebibedo mbe; man dubo mi Yuda, e gibinwangri ngo: kum abiweko dubo ni donge m’aweko dong’.

Ywak 4:21

Anyong’a negi man ibed ku mutoro, E nyar Edom, m’ubedo i ng’om Uz: Kopo bikadhu i beng’i bende; ibimer amera, man ibidwokri muneru.

Ywak 4:6

Kum kier pa nya dhanu para e dit ma sagu dubo mi Sodom, Ma juredho calu i nindo ma nyagwil, e cing’ moko mbe ma juketho i kume.

Ezekiel 37:28

E thek bing’eyo nia an a Yehova m’udwoko Israel leng’, kinde ma kamaleng’ para bibedo i kindgi mi nja.

Ezekiel 6:12

Ng’atu ma ni bor bitho ku thong’om; man ng’atu ma ni ceng’ni bipodho ku palamularu; man ng’atu m’udong’ ma jutieke kud ali bitho ku ndru: abitimo kwinyo para i kumgi kumeni.

Obadia 1:10

Kum rop m’utimbre kum umeru ma Yakobo, lewic biumi, man ibithumbri woko mi nja.

Malaki 1:3

ento Esau adagu, man adwoko gudi pare ni uvuru, man amio camupacu pare ni utho m’i yamba.

Malaki 1:4

Kadok Edom uwacu kumae, Junyonowa piny, ento wabidwogo man wabigomo ka m’udong’ ni uvuru; Yehova mir udul uwacu kumae, Gibigomo, ento abirwombo piny; man dhanu bilwong’ogi kumae, Kieu mi dubo, man kumae, Dhanu ma ng’ecwiny unego Yehova i kumgi nja.