Ywak 3:40 - The Holy Bible In Alur (Lur) Revised Orthography

⁴⁰ Wek waponj yo mwa wamul, man walokra kendo ba Yehova.

Ywak 3:40 ပူးပေါင်းရင်းမြစ်များ

2 Lemkei 30:6

Kum kumeno jukwenda gicidho ku waraga m’uai bang’ ubimo ku judongomawijo pare i kind Israel ceke mba mba ku Yuda, man calku lembang’ola p’ubimo, m’uwacu kumae, Wu nyithindho mir Israel, wulokru kendo ba Yehova, Mungu pa Ibrahim, kud Isak, man Israel, kara elokre ba dong’ kindwu m’uboth kud i cing ubimo mir Ascur.

2 Lemkei 30:9

Kum tek wulokru kendo ba Yehova, utumegwu ku nyithindho mu binwang’u ngisi i wang’ ju m’uterogi ni ng’eca, e gibidwogo kendo i ng’om maeni: kum Yehova Mungu mu e won bero man e won kisa, man ebiloko wang’e kud i beng’wu ngo, tek wudwogo i bang’e.

Zaburi 119:59

Ia pido kum yo para, Man aloko yo para ba lembatuca peri,

Zaburi 4:4

Bebe timwu, endre kud wudubi: Wuwec ku i adundewu wi kavuto mu, man wubed ling’. [Sela.

Isaya 55:7

dong’ jadubo wek yo pare, man won gondri pidoic pare; man wek edwog ba Yehova, e kisa binege i kume; man ba Mungu mwa, kum ebiweko ire ma gwei.

Ezekiel 18:28

Kum ie pido, man elokre cen ni dubo pare m’edubo ceke, ebibedo kwo andha, ebitho ngo.

Hoseya 12:6

Ka kumeno lokri ba Mungu peri: gwok kisa ku lembapoka, man ikur Mungu peri thiri thiri.

Hoseya 5:15

Abicidho man abidok i kakara, maram gituco ko piem migi, man giyeny wang’a: gibiyenya kud amora i can migi.

Hoseya 6:1

Wubin wadwoga ba Yehova; kum eyeco, man ebicanguwa; egoyo, man ebiriwo wang’ kumwa.

Tic Mi Jukwenda 26:20

ento ku kwong’a ayero ni ju ma Dameski, i Yerusalem de, kud i ng’om Yahudi ngung’ bende, ni Thekdhanumange bende, nia gilok cwinygi man gilokri ba Mungu, gitim tic de m’uromo ku lokocwiny.

1 Jukorinto 11:28

Endre wek ng’atuman ung’i i ie gire, e kan edong’ ecam kwenduni, emadh kum kikombe de.

1 Jukorinto 11:31

Ento tek wang’io i lembe mwa giwa, kuno di jupoko lembe mwa ngo.

2 Jukorinto 13:5

Wumulu giwu, tek wuni i yioyic; wuponjru giwu. Kadi wung’eyo ngo piwu giwu, ya Yesu Kristu ni i iwu? tek ebedo andha ma jukukwerowu ngo.

Poi Mi Cik 4:30

Kinde m’ini i masendi, man gin maeni ceke wok i kumi, i ceng’ ma cen ibidwogo ba Yehova Mungu peri, e ibiwinjo dwande: