Ywak 3:32 - The Holy Bible In Alur (Lur) Revised Orthography

³² Kadok ekelo can, ento ngisi binege calkud udul mer mi bero pare.

Ywak 3:32 ပူးပေါင်းရင်းမြစ်များ

2 Ubimo 13:23

Ento Yehova nyutho bero igi, man ngisi nege i kumgi, man epido pigi, kum lembariba pare ma kud Ibrahim kud Isak, man Yakobo, man eyenyo ngo enyothogi, kadok abaya de fodi ebayugi kud i vute ngo.

Zaburi 103:11

Kum calu polo bedo malu wi ng’om, E mer mi bero pare bedo dit kumeno wi ju m’ulwore.

Zaburi 30:5

Kum ng’ecwiny pare en e mi nindo ma nyanok; Kwo ni i bero pare: Ywak copo bedo ku diewor, Ento anyong’a bino kugweno.

Zaburi 78:38

Ento en, ma kisa nege, eweko kier migi woko, man enyothogi ngo, Eyo, eloko ng’ecwiny pare cen nindo dupa, Man etugo kwinyo pare ceke ngo.

Ai 2:23

Man etimbre yo ng’ei nindo maeno dupa, nia ubimo mi Misiri tho: e nyithindho mir Israel gigamu cwinygi kum ng’eca, man giywak, man ywak migi idho malu ba Mungu ni kum ng’ecane.

Ai 3:7

Man Yehova wacu kumae, Andha aneno masendi mi dhanu para ma ni i Misiri, man awinjo ywak migi kum juwitic ma ni wigi; kum ang’eyo can migi;

Isaya 27:8

I mukero, kinde m’iorogi cen, wupiemo wukugi; ekabugi ku yamu pare ma tek i ceng’ mi yamu ma yo nyangu.

Isaya 54:7

Kum aweki mi nindo ma nyanok; ento abicoki ku kisa ma dit.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Ywak 3:22

En e kum mer mi bero pa Yehova nia ku wathum, kum ngisi pare rem ungo.

Hoseya 11:8

Abiweki nenedi, Efraimi? abibei woko nenedi Israeli? abidwoki calu Adma nenedi? abikethi calu Zeboim nenedi? adundena lokre yor i ia, ngisi para opo karacelo.

Nahum 1:12

Yehova wacu kumae: Kadok gibedo ku tego ma dho, man dupa de, e kumeno gibithumbri piny, e ebikadhu woko. Kadok naka asendi, abisendi kendo ngo.

Luka 15:20

E eai, ebino de ba won. Ento ka fodi eni bor, won unene, ngisi nege de, man eringo, egwaku ng’ute, ecwio limbe de.

Jupoklembe 10:16

E gikabu mungu ma juwirok woko kud i kindgi, man gitimo ni Yehova; e cwinye dieng’ kum can mir Israel.