Ywak 3:22 - The Holy Bible In Alur (Lur) Revised Orthography

²² En e kum mer mi bero pa Yehova nia ku wathum, kum ngisi pare rem ungo.

Ywak 3:22 ပူးပေါင်းရင်းမြစ်များ

2 Samwil 24:14

Man Daudi wacu ni Gad kumae, Ani i lembarida ma tek: kawono wek wapodh i cing’ Yehova; kum kisa pare dit; man kud apodh i cing’ dhanu.

Nehemia 9:31

Ento i udul kisa peri idarugi kpo ngo, kadi ikunogi de ngo; kum in i Mungu ma jabero ma jakisa de.

Zaburi 103:10

Etimo iwa calku dubo mwa ngo, Kadi emio sukulia iwa de ngo calku kier mwa,

Zaburi 106:45

Man epoi kum lembariba pare pigi, Man elokre calkud udul mer mi bero pare.

Zaburi 69:17

Man kud ipan weng’i ni jatic peri; Kum ani i can; dwok ira lembe pio.

Zaburi 77:8

Mer mi bero pare thum pet mi nja? Lembang’ola pare rem rundi ku rundi?

Zaburi 78:38

Ento en, ma kisa nege, eweko kier migi woko, man enyothogi ngo, Eyo, eloko ng’ecwiny pare cen nindo dupa, Man etugo kwinyo pare ceke ngo.

Zaburi 86:15

Ento in, E Rwoth, in i Mungu mi kisa man mi bero, Ibedo yo ni ng’ecwiny, man dit i mer mi bero ku lemandha.

Yeremia 3:12

Cidhi, man iyer lembe maeni yor ariwa ma malu, man iwac kumae, Dwogi, in i Israel m’ucoro cen, Yehova wacu; abineno wii ku ng’ecwiny ungo; kum kisa nega, Yehova wacu, abigwoko ng’ecwiny mi nja ngo.

Yeremia 30:11

Kum wanuti wakudi, Yehova wacu, mi bodhi: kum abijigo wi thek ceke m’aleli i ie, ento abijigo wii ma gwei ungo; ento abiponji ku pokolembe, man abiweki ki ngo ma ponji mbe.

Yeremia 31:20

Efraim en e woda ma ka cwinya? en e nyathin mi meri? kum ku ba wec m’aweco i kume, acikupoi pire apoya: ka kumeno adundena ywage: kisa binega i kume andha, Yehova wacu.

Daniel 9:9

Kisa ku wekodubo en e pa Rwoth Mungu mwa; kum wajai i kume;

Malaki 3:6

Kum an, an a Yehova, alokra ngo; ka kumeno wun, E wot Yakobo wunyothru ngo.

Luka 1:50

Kisa pare de bedo ni dhanum’utuk ku dhanum’utuk Wi ju m’ulwore.