Ywak 2:7 - The Holy Bible In Alur (Lur) Revised Orthography

⁷ Yehova bayu pemblam pare, edagu kamaleng’ pare; Emio gang’kidi mi udi mi ker pare i cing’ jadegi: Giwoi i ot pa Yehova, calu mi cing’ cokri mi rwo.

Ywak 2:7 ပူးပေါင်းရင်းမြစ်များ

2 Ubimo 25:9

Man ewang’u ot pa Yehova ku ot p’ubimo; ku udi ceke mi Yerusalem, en e udi ceke ma dongo kubang’e kubang’e, ewang’u ku mac.

2 Lemkei 36:19

E giwang’u ot pa Mungu, man girwombo gang’kidi mi Yerusalem piny, e giwang’u odkeme ceke ku mac, man ginyotho agulu ma berne ceke.

Zaburi 89:39

Idagu lembariba pa jatic peri: Icido jamkermiwic pare ku baye i ng’om.

Isaya 64:9

Kwinyo kud unegi hai, E Yehova, kadi kud ipoi pi kier mi nja; nen, ng’i, wakwei, kawa ceke wa dhanu peri.

Yeremia 21:4

Yehova, Mungu mir Israel, uwacu kumae, Nen, abiloko jamtho mir ali ma ni i cingwu, ma wukiedo ko kum ubimo mi Babeli, man kum Jukaldayo m’utiekowu, yo ng’ei gang’kidi; man abicokogi i die adhura maeni.

Yeremia 26:18

Mikaya ma Jamoracti ewo i nindo pa Hezekia m’ubimo mi Yuda; man eyero ni dhanu ceke mi Yuda, ewacu kumae, Yehova mir udul uwacu kumae: Jubifuro Sayuni calu podho, man Yerusalem bidoko ni udhuru, man got mi ot calu ka ma malu mi luli.

Yeremia 26:6

abilund dwoko ot maeni pami Cilo, man abidwoko adhura maeni ni kwong’ ni thek ceke m’i ng’om.

Yeremia 32:29

man Jukaldayo, m’ukiedo kum adhura maeni, gibibino man gibicwinyo adhura maeni ku mac, man gibiwang’e, karacelo ku udi ma githiero udok ma ng’wice ng’ar ni Bal i wie, man ma gikonjo lam m’amadha ni mungu mange i wie, kara unyai ng’ecwiny i ia.

Yeremia 39:8

E Jukaldayo wang’u ot p’ubimo, ku udi mi dhanu, ku mac, man girwombo gang’kidi mi Yerusalem.

Yeremia 4:26

Aneno, man, nen, podho ma cek hai en e langa, man adhurane ceke jurwombo piny i vut Yehova, man i wang’ ng’ecwiny pare ma lake tek.

Yeremia 4:27

Kum Yehova wacu kumae, Ng’om dho bibedo ni uvuru; ento abijigo ma gwei ngo.

Yeremia 50:28

Dwal mi ju m’uringo man m’uboth kud i ng’om mi Babeli, kara giyer i Sayuni pi culokwor pa Yehova Mungu mwa, en e culokwor mi hekalu pare.

Yeremia 52:13

Man ewang’u ot pa Yehova, ku ot p’ubimo, ku udi ceke mi Yerusalem, en e udi ma dongo kubang’e kubang’e, ewang’u ku mac.

Ywak 1:4

Yo mi Sayuni ywak, kum ng’atu moko mbe m’ubino ba cokri mi rwo; Dhugang’ pare ceke bedo kende, julam pare gamu cwinygi: Jusendo nyir pare ma ng’won, man en gire eni i adra.

Ywak 2:1

E rwoth uumo nya Sayuni kud afuru i ng’ecwiny pare mire! Ebayu gin ma ber mir Israel piny i ng’om kud i polo, Man epoi ungo kum kom mi tiende i ceng’ mi ng’ecwiny pare.

Ywak 2:5

Rwoth udoko calu jadegi, emwonyo Israel; Emwonyo udi mi ker pare ceke, enyotho ka ma tek pare; Man emedo ywak ku goyonduru i nya Yuda.

Ezekiel 24:21

Yer ni ot mir Israel kumae, Rwoth Yehova wacu kumae: Nen, abicido kamaleng’ para, kuhaya mi tego mu, yeny ma weng’wu yenyo, man gin ma ngisi nego ng’eyong’ec mu i kume; e wotwu ku nyigwu ma wuweko yor i ng’eiwu bipodho ku palamularu.

Ezekiel 7:24

Kum kumeno abikelo thek ma rac m’usagu, man gibimwonyo udi migi: abiketho kuhaya mi tego bende jik; man jubicido kamaleng’ migi.

Lembe Mi Julawi 26:31

Man abidwoko adhura mu ni uvuru, abikelo kamaleng’ mu de ni nyoth, man abing’wio ng’wic mido mu ma ng’ar ungo.

Lembe Mi Julawi 26:44

Ento karacelo ku maeni ceke, kinde ma gini i ng’om mi judegigi, abikunogi ngo, kadok adaga de abidagugi ngo, kara anyothgi pet, man kara atur lembariba para ma kugi; kum an a Yehova Mungu migi;

Amos 2:5

Ento abioro mac wi Yuda, man ebiwang’u udi mi ker mi Yerusalem.

Mika 3:12

Ka kumeno jubifuro Sayuni calu podho, man Yerusalem bidoko ni uvuru, got mi ot de calu ka ma malu mi luli.

Matayo 24:2

Ento eloko lembe ewacu igi kumae, Wuneno gin maeni ceke ngo? andha awacu iwu kumae, Jubiweko kidi acel de ngo keni wi wagi ma jukubibolo piny ungo.